Қызылжарға бет алған ақтөбелік хоккейшілер қар құрсауынан құтқарылды. Имек таяқ шеберлері облыс орталығында жергілікті «Құлагер» командасымен кездесу өткізеді.
Ақтөбеліктер қаңтардың 5-і жолға шыққан екен. Ал бүгін таңертең «Қостанай-Петропавл» тас жолының бойында тұрып қалған. Нақтырақ айтсақ, Тимирязев селосынан 18 шақырым жерде қозғалыс тоқтапты. Автобустың ішінде 32 адам болған еке. Олардың 28-і – спортшы, қалғаны -жүргізушілер мен жаттықтырушылар. Абырой болғанда зардап шеккендер жоқ. Тәртіп сақшылары дер кезінде жетіп, көмек көрсетіпті. Еске сала кетейік, ақтөбелік хоккейшілер “Qulager”-мен ертең сағат 17:00-де кездесу өткізеді. Қарымта ойын қаңтардың 8-іне жоспарланған.
Бердимурат Баймухан