“Пиротехника” жедел-алдын алу шарасы

ТЖД

21:22 30 Желтоксан 2019

Шартылдақ, петарда, салют, бенгал және рим шамдары. Өңір полицейлері мен құтқарушылар “Пиротехника” жедел-алдын алу шарасын өткізіп жатыр. Мамандар отшашулардың арнайы сертификаттарын тексеріп, тұрғындарға қауіпсіздік ережелерін еске салуда. Ал тауарды заңсыз сату бойынша 15 факті тіркеліп, әкімшілік хаттама толтырылған.

– «С новым годом» – 11 штук. Салют «Искромет» – 3 штуки.
Жаңа жыл мерекесі жарқ-жұрқ еткен отшашусыз өтпейді. Алайда, пиротехникалық дүниелерді барынша абайлықпен қолданбаса, оқыс оқиға орын алуы мүмкін. Төтенше жағдайлардың алдын алу мақсатында желтоқсанның 17-сінен бастап өңірде «Пиротехника» шарасы өткізілуде. Тәртіп сақшылары мен құтқарушылар қаладағы базарларды аралап мейрамның сәнін келтіретін өнімнің құжатын тексеріп жатыр.

Әлішер Жармағамбетов – Петропавл қалалық ПБ әкімшілік полиция бөлімінің аға инспекторы:

 – Шараның мақсаты-тұрғындардың қауіпсіздігін қамтамасыз ету. Заң бұзғандар әкімшілік жауапкершілікке тартылады.

Жедел алдын алу шарасы басталғалы бері мамандар 80-ге жуық тексеру жүргізген. Нәтижесінде пиротехникалық дүниелерді заңсыз сату бойынша 15 факті тіркеліп, әкімшілік хаттама толтырылыпты. Арнайы сертификаты жоқ 750-тан астам тауар тәркіленген.

Айта кеткен жөн, полицейлер мен құтқарушылар тексеру жұмыстарын қаңтардың 4-іне дейін жалғастырмақ.

Маржан Касымбек

 

 

Бұдан әрі оқыңыз

Есіл ауданында өрттен 74 жастағы ер адам қаза тапты
Өңірде боранның салдарынан оқыс оқиғалар жиілеген
Боранда адасып кеткен 16 жастағы бозбала құтқарылды
Өрт датчигі дабыл қағып, ұйқыдағы отбасы ажалдан аман қалды
Метан тіркелген жүк көлігі аударылып қалды
Ойқалада орналасқан баспанадан өрт шықты
Өңірде өткен тәулікте қар құрсауынан 63 адам құтқарылды
Өңірде боран соғып, тұман басуы мүмкін
СҚО-да 3 күнде қар құрсауынан 25 көлік шығарылған
Мереке күндері өңірде 7 өрт оқиғасы болды