Сауда-ойын-сауық орталықтарының бірінде “Тілектер шыршасы” орнатылды

Қоғам

21:16 20 Желтоксан 2019

Аяз ата мен Ақшақарға хат жазып, сыйлық алуға болады! Қаламыздағы “DOSTYQ mall” сауда-ойын-сауық орталығында “Тілектер шыршасы” орнатылды. Мұнда балалар өздерінің қалағандарын қағазға түсіріп, қалдыра алады. Кейін, ұл-қыздарға желтоқсанның 26-сы күні түрлі базарлықтар таратылмақ. Осы орайда айта кетейік, мерекелік бастамаға кез-келген адам қатысып, кішкентай тұрғындарды қуанта алады.

Мына шырша өзгелерінен ерекше, себебі, бұл – тілектер шыршасы. Шараға көпбалалы және аз қамтылған отбасылардың балалары қатысады. Олар жаңажылдық тілектерін , яғни қалаған сыйлықтарын хатқа жазып қалдырады екен.

Мария Мамонтова, “Қызылжар аналары” ҚБ төрайымы:

– Негізі, біздің ұйымға 20-ға жуық отбасы мүшелік етеді. Бүгінде тілектер шыршасына 30 бала не қалайтынын жазған. 18-інің сыйлықтарын алып қойдық. Жаңа жылға қыздар көбінесе қуыршақ сұрайды. Ал ұлдар машина сынды ойыншық күтеді.

Көппен бірге хат жазып, мерекеде сыйлығын тағатсыздана күтіп жүргендердің бірі – Анжелика Никонова. Кішкентай ханшайым небәрі 6-жаста, ол Жаңа жылда армандардың орындалатынына сенеді.

Анжелика Никонова:

– Жаңа жыл мерекесін сағына күтемін. Аяз ата мен Ақшақарға жазған хатта мен қуыршағыма үй сұрадым. Тілегім орындалады деген ойдамын.

Қайырымды шара “Dostyq Mall” сауда-ойын-сауық орталығында желтоқсанның 26-сына дейін жалғаспақ. Сыйлықтар балғындарға дәл осы күні табыс етіледі.

Айта кеткен жөн, мұндай игі іске кез келген тұрғын ат салыса алады. Ұйымдастырушылардың айтуынша қазірдің өзінде балаларға қызық-қуаныш сыйлауға ниетті ерікті жандардың қатары аз емес.

Ақтолқын Солтанханқызы

 

Бұдан әрі оқыңыз

Әлеуметтік жауапкершілігі жоғары кәсіпкер ауылды дамытуда
Пресновкада мемлекеттік бағдарлама аясында ашылған фитнес-клуб жұмыс істеуде
Колледж студенттері тыл еңбеккерін мерейтойымен құттықтады
Өңірдің экологиялық түйткілдері қалай шешіліп жатыр
СҚМУ-да “Red sparks2020” стартап-жобаларының байқауы өтті
ЕС-164\3 мекемесінде шығармашылық секция ашылды
Пайдасы шамалы шараларды “Рухани жаңғыру” аясында өткізу тыйылады
Жалған шақырту үшін жаза бар
Жасөспірімдер мұз қалашығын қиратып тастады
Биыл жылудың тарифі өсуі мүмкін
“Еріктілер клубы” өткен жылды қорытындылады
17 кәсіпорынға индустриялдық сертификат берілді