Кеше «Qulager» хоккейшілері Рудный қаласында «Горняк» құрамасымен кездесті. Бұл сайыста жерлес имек таяқ шеберлері тағы бір мәрте жеңске жетті.
Матчтың алғашқы айналымында петропавлдықтар 1 гол өткізіп алды. Бірақ, ойынның екінші кезеңінде «Qulager» хоккейшілерінің айы оңынан туды. Олар қарсыластарының қақпасына қатарынан 3 шайба дарытып, команданы алға шығарды. Ал соңғы айналымда Дмитрий Исмагилов “Горняк”-тың бос қалған қақпасына тағы бір шайбаны сырғыта салып, ойынды 2:4 есебімен тәмамдады. Әзірге, «Qulager» хоккей клубы 46 ұпаймен турнирлік кестенің 7-ші орнына тұрақтады. “Горняк” құрамасымен қарымта ойын сырт алаңда бүгін өтеді.
Бердимурат Баймухан