Өңірде ресми түрде тіркелген 17 қатты тұрмыстық қоқыс полигоны бар

МТРА жаңалықтары

21:29 17 Қазан 2019

Қала маңындағы тұрмыстық қалдықтар полигонында қоқыстың тұтануы үю технологиясының сақталмауынан орын алатын көрінеді. Бұны экологтар тексеріс барысында анықтаған.

Қазіргі таңда облыс аумағында қоқыс төгілген 460 алаң бар көрінеді. Олардың тек 258-сінің ғана жер учаскесі заңдастырылыпты. Ресми түрде 17 полигон тіркелген. Петропавл қасындағы орналасқан екеуі “Дорожник” және “Қызылжар Тазалық” серіктестіктеріне тиесілі. Соңғысының аумағы 28 га асады. Қаладан жиылған күл-қоқысы көбіне осы жерге төгіледі. Бірақ, бұл алаң үнемі жанып, түтіндеп жатады екен. Оның басты себебі – тиісті жұмыстардың жүргізілмеуі. Осы орайда облыстық экология департаменті полигондарға жауапты серіктестіктерге қатысты жоспардан тыс тексеріс өткізген болатын.

Азамат Бектасов – СҚО бойынша экология департаменті басшысының орынбасары:

– Биыл жоспардан тыс үш тексеріс жүргізілді. Апатты жағдайлар бойынша ҚТҚ полигонында жану ахуалдары 2019 жылы 3 рет тіркелген.

Табиғат қорғаушыларының сөзінше, полигонда қалдықтардың жану себебі үю технологиясының бұзылуынан орын алатын көрінеді. Оған қоса оқшауланбайды. Салдарынан, әсіресе жазғы мезгілде күл-қоқыс күнге қызып, бықсып, жанып жатады. Одан шыққан түтін Жұмысшы кенті мен Береке шағын ауданына дейін жетеді екен.
Бұны болдырмау үшін тұрмыстық қалдықтарды тау қылып үймей, оны арнайы карьерге сырып, тегістеп отыруы қажет.

Азамат Бектасов – СҚО бойынша экология департаменті басшысының орынбасары:

– Кәсіпорыннның мәліметтері бойынша осы шараларды толық көлемнде орындауға мүмкіндік жоқ. Себебі қалдықтарды тығыздау және бар карьерді өндіруге техника жеткіліксіз.

Қатты тұрмыстық қалдықтарды көмудің экологиялық қауіпсіз тәсілін қолдануды жүзеге асыруда жергілікті билік тарапынан қолдау танытылса дейді мамандар.

Ешкенова Дана

Бұдан әрі оқыңыз

Шаһар тұрғыны кептер өсірумен айналысады
Биыл қала көшелеріндегі 3 мыңнан астам шам ауыстырылады
Аялдамалардағы таблолар жиі істен шығады
Өңір тұрғындары Президент Жолдауына үн қосты
Петропавлдағы 4 колледждің материалдық-техникалық базасы жаңартылды
Бескөлде артық жүк артып алған 2 үлкен көлік тоқтатылды
Оқушыларға компьютерлердің дұрыс таратылуын мониторингілік топ қадағаламақ
Қазавтожол қызметкерлері флешмоб өткізді
Мереке қарсаңында белсенді нұротандықтар марапатталды
Білім нысандарындағы құрылыс барысы тексерілді
Алдағы демалыс күндері Петропавлда су беру уақытша тоқтатылады
Қалалық қоғамдық кеңес мүшелері Президент Жолдауын талқылады