Өңірде “Автобус” жедел-профилактикалық іс-шарасы өтуде

Құқық қорғау органдары

21:18 10 Қазан 2019

Облыс аумағында республикалық “Автобус” жедел-профилактикалық іс-шарасы өтуде. Полицейлер қоғамдық көлік жүргізушілерімен түсіндіру жұмыстарын жүйелі түрде өткізіп тұрсада заңбұзушылықтар әлі де тыйылар емес.

Республикалық «Автобус» жедел-алдын алу шарасы жолаушылар қауіпсіздігін қамтамасыз етіп, жол-көлік оқиғаларының алдын алуға бағытталған. Тағы қоғамдық көліктердің жайлылығын тексеру де бар. Бүгінде шаһарда 26 бағыт бойынша 300-ге жуық автобус қатынайды. Кезекті шара барысында қоғамдық көліктердің барлығы ерекше бақылауға алынды.

Галина Семёнова – “СҚО Автокөлік одағы” қауымдастығының төрайымы:

– Аталған іс-шара барысында көлік құралдарының санитарлық, техникалық жағдайы және жүргізушілер де тексеріледі. Көбіне көлік құралдарын қайта жабдықтау, отыратын орындар санының техпаспорттағыға сәйкес келмеу фактілері орын алып жатады.

Өкінішке қарай, полицейлер қоғамдық көлік жүргізушілерімен түсіндіру жұмыстарын жүйелі өткізсе де тәртіпті елемеу жайттары азаймай отыр. Мәселен, осы жолғы шара барысында №14 автобус назарға іліккен екен. Мұнда жолаушыларға қолайлы жағдай жасалмаған. Салонның іші лас болып шықты.
Дәл осы бағыттағы келесі көлікте отырғызу орындары заңсыз түрде қайта жабдықталыпты. 47 жастағы жүргізушісіне қатысты хаттама толтырылып, 15 АЕК көлемінде айыппұл салынған.

Шәмшиден Ақышов – Петропавл қалалық ПБ ЖПҚ бастығының орынбасары:

– Қоғамдық көлік пен олардың жүргізушілеріне қатысты көптеген шағымдар түсіп жатыр. Көбі тазалық жоқ дейді. Сондықтан осы рейдті өткізіп жатырмыз. Көптеген әкімшілік хаттамаларды толтыдық.

Жыл басынан бері облыста “Автобус” жедел-алдын алу операциясы екі рет өткізілген болатын. Шара барысында 780 жүргізуші әкімшілік жауапкершілікке тартылған.

Дана  Ешкенова

Бұдан әрі оқыңыз

Өңір полицейлері қос шетелдік жүргізушіге көмек көрсеткен
Жеңіл көліктің алдыңғы әйнегін сындырып кеткен бұзақы ұсталды
Петропавлда супермаркеттегі сақтау камерасынан сөмке ұрланды
Заңды бұзған шетелдік нөмірі бар көлік иелері анықталып, жауапқа тартылады
Петропавл-Жезқазған трассасында жеңіл көлік пен жүк көлігі соқтығысты
Орманнан екі жастың мәйіті табылды
Жәбір көрген әйелдерге көмек көрсету
Қалалық қоғамдық кеңесінің отырысы
Жолға патрульдік полиция көлігінің макеті қойылды
Қызылжар ауданында зейнеткерге қарақшылық шабуыл жасалды
Кезекті «Жолда қабылдау» акциясы өтті
Петропавлда екі жасөспірімді көлік қақты