Бірыңғай жинақтаушы зейнетақы қорының облыстық филиалында бүгін ашық есік күні өтті. Кездесуге студенттер, зейнеталды жастағы адамдар мен банк қызметкерлері қатысты.
Қор мамандары бұл күні 100-ге жуық адамды қабылдады. Көпшілікті толғандырған мәселелердің бірі – ерікті зейнетақы жарналары. Аталған төлем түрін салымшы қордағы есепшотына өз ықтияры бойынша салады. Яғни азамат құрметті еңбек демалысына шыққанша дейін зейнетақы қорына ресми жұмысындағыдан бөлек / ақша аудара алады. Жарнаның сомасы мен жиілігін өзі белгілейді. Тіпті, есепшоттағы қаржы көлемін туған-туысқандары да толықтыруға құқылы.
Ғалия Мұқанова – “БЖЗҚ” АҚ СҚО бойынша филиалының бөлім басшысы:
– Жалпы, бірнеше зейнетақы жарналары бар. Олар – міндетті, міндетті кәсіптік және ерікті зейнетақы жарналары. Соңғысы біздің болашақта зейнетке шыққан уақытта қосымша төлем болып табылады. Қазіргі таңда өңірімізде 1200-ден астам ерікті зейнетақы шоты бар. Олардың сомасы 35 млн теңгеден асады.
Дана Ешкенова