Жерлесіміз, Олимпиада Чемпионы Александр Винокуров Италияның Ницца қаласында өткен жарыста топ жарды. Ол триатлоннан өткен Ironman 70.3 додасында әлем чемпионы атанды.
Жүзу, веложарыс және жүгіруден тұратын қашықтықты 45 жастағы спортшы 4 сағат 28 минут 47 секундта еңсерді. Осылайша, өз жас санатында сайысқан 506 спортшыны шаң қаптырды. Ал жалпы рейтингіде Винокуров чемпионатқа қатысқан барлық 3344 триатлоншының үздік жүздігіне еніп, 93-ші орыннан көрінді. Енді “Астана” велокомандасының бас менеджерін алда Ironman 140.6 әлем чемпионаты күтіп тұр. Ол қазанның 12-сі АҚШ-тың Гавайи штатындағы Каилуа-Кона қаласында өтпек.
Саят Ермек