Тәртіп сақшыларына ала таяқ қайтарылды

Құқық қорғау органдары

22:17 2 Қыркүйек 2019

Жол полицейлеріне ала таяқ қайтарылды. Қыркүйектің 1-інен бастап тәртіп сақшылары жезл қолдануды қайта қолға алды. Ол тек жол тәртібін реттеу кезінде ғана қолданылмақ.

2017 жылдың сәуірінен бастап ала таяқ қолданыстан алынып тасталған болатын. Салдарынан жол қозғалысын реттеу кезінде түрлі қолайсыз жағдайлар туындаса керек. Гәп мынада: мәселен, тұман түсіп, қалың жаңбыр жауса немесе түнде полицейлердің қолмен көрсеткен белгілері анық байқалмайды. Сөйтіп, тұрғындардың тарапынан осыған байланысты арыз-шағымдар көп түскендіктен жол-патрульдік полицияға ала таяқ қайтарылды.

Баян БАЙҒАСКИНА – СҚО ПД ЖПҚБ аға инспекторы:

– Таяқшаны жол-көлік оқиғалары, түнгі уақытта, жолдың нашар көрінуі кезінде және бағдаршам істен шыққан кезде қолданады. Ала таяқпен жол тәртібін реттеу кезінде тәртіп сақшылары арнайы жарық шағылыстыратын киім мен қолғап киеді.

Сонымен қатар, патрульдік полицейлерге көлікті қолмен белгі беру және таяқша арқылы тоқтатуға тыйым салынды. Бұл жемқорлықтың алдын алу мақсатында жасалып отыр дейді полиция департаментінің өкілдері.

Қанат ӘЛІМЖАНОВ, СҚО ПД ЖПҚБ аға инспекторы:

– Машинаны таяқша немесе қол ишаратымен тоқтатуға болмайды. Ол үшін енді дауыс зорайтқыш немесе арнайы жарық түсіретін құралды ғана пайдалану қажет. Ондай құрал әр қызметтік көлікте орнатылған. Және оларда бейнежазба камераларына дейін бар.

Ала таяқты қайта қолданысқа енгізу бұйрығы заң бойынша қыркүйектің 1-нен бастап өз күшіне енді.

Бердимурат Баймухан

Бұдан әрі оқыңыз

Жыл басынан 26 интернет-алаяқтық фактісі әшкереленді
Тәртіп сақшылары жергілікті автоклуб мүшелерімен кездесті
Петропавлда көлік басқарған ер адам 2 әйел мен 3 жасар қызды қағып кетті
Өңір полицейлері жыл басынан бері 70 есірткі қылмысын ашты
Электросамокатты пайдалану ережелері
Хайп қуған жігіттің тағы бір ерсі қылығы
Тәртіп сақшылары автобустарды тексеруде
Петропавлда жол-көлік оқиғасы орын алды
Жүк көлігі Заречныйдағы көпірдің бөренесін қиратты
59 тонна бидай ұрланған
Петропавлда жол-көлік оқиғасы болды
Тәртіп сақшылар профилақтикалық іс-шара жүргізуде