Қаладағы автобустарда жолақыны QR-код арқылы төлеуге болады

Қоғам

20:55 9 Тамыз 2019

Оңай әрі жылдам! Петропавлдағы қоғамдық көліктерге QR-код арқылы төлеу жүйесі енгізіле бастады. Бұл – әзірге, пилоттық жоба. Жол ақысын электрондық әдіспен өтеу барысын көріп, жолаушылардың бұл жөніндегі пікірін әріптесім.

Бұл – “4А” автобусының ішінде орналасқан QR-кодтар. Енді осындай бегілерді аталған бағытта қатынайтын қоғамдық көліктердің барлығында кездестіруге болады. Себебі, бүгіннен бастап тұрғындар жол ақысын қолма-қол ақшасыз төлей алады. Ол үшін ұялы телефонда Халық немесе Хоум банкінің мобильдік қосымшасы болуы керек. Кейін құрылғының камерасын қосып, автобустағы QR-код-ты суретке түсірсеңіз жеткілікті. Бірер секундтан соң экранға билеттің өзі де шығады. Онда төленген сома, билеттің нөмірі және қандай транспорт екені жазылып тұрады. Тіпті, уақыты мен күні де белгіленеді.

Олжас Жакупов – “Қазақстан Халық банкі” АҚ СҚОФ транзакциялық бизнес орталығының бас менеджері:

– Бұндай жүйе арқылы қолма-қол ақшасыз төлем жасау ыңғайлы. Пайдалану миханизмі өте қарапайым.

Жалпы, қазір қалада 4А бағытында 12 автобус қатынайды екен. Енді бұндай жаңашылдықтар алдағы уақытта 14, 4Т және 2 бағытында жүретін қоғамдық көліктерге де қатысты болады. Бастаманы келесі аптаның соңына дейін жүзеге асыру жоспарланған.

Галина Семенова, «СҚО Автокөлiк одағы» қауымдастығының төрайымы:

– Негізі, бүгінде қала ішінде 270 қоғамдық көлік қатынайды. Оның 4-уінде мүмкіндігі шектеулі жандарға арналған жағдайлар қарастырылған. Енді, міне электронды билет жүйесін қолға алып жатырмыз. Жалпы, бұндай жүйе, әзірге тек 7 және 4А бағытында қатынайтын автобустарда жұмыс істейді.

Ал,жолаушылар үшін бұндай жаңашылдықтар тиімді ме? Тұрғындардың бірі заман игілігіне оң бағаларын беріп жатса, енді бірі қолма-қол ақшамен өтеуді құп көреді екен. Дегенмен, электрондық билеттерді қолдап жатқандар басым.

– Жеке басым, қолма-қол төлеймін. Біз сияқты зейнеткерлер бұндай технологияларды бірден түсіне бермейді. Электрондық билет жастарға ыңғайлы деп ойлаймын.

– Қолма-қол ақшасыз есеп айырысу өте ыңғайлы. Өз басым бұндай жаңашылдықты қолдаймын. Енді тиын-тебен іздеп жатпаймын.

Айта кетейік, бұл электрондық билет үрдісі жалпы жолақысына кері әсерін тигізбейді.

 

Ешкенова Дана

Бұдан әрі оқыңыз

Сәлімхан Сәбитовтің жобасы республикалық байқауда жүлдеге ие болды
Дарынды балаларды анықтау және қолдау орталығы таныстырылды
Өңірдегі “Жасыл ел” жасағының жастары үздік атанды
«Рухани жаңғыру» бағдарламасы аясында атқарылған жұмыстар
«Малыш» бөбекжай-бақшасына – 50 жыл
Елбасының еңбегі сараланды
Мереке қарсаңында қалалық әкімдікте салтанатты жиын өтті
Рухани құндылықтар – қоғам бірлігінің негізі
Облыстық мәслихат депутаты 90 жастағы қарияға монша салып берді
Халыққа мемлекеттік қызмет көрсету оңтайландырылып келеді
Өз ісінің үздіктері марапатталды
Кәсіподақ өкілдері марапатталды