ҰБТ-ға қатысу үшін өтініштер қабылданады

Білім

10:01 25 Шілде 2019

Тағы бір мүмкіндік! Биылғы мектеп түлектері Ұлттық біріңғай тестілеуде 4-ші және соңғы рет бақ сынай алады.

Тамыздың 17-сі мен 20-сы аралығында елімізде кезекті мәрте маңызды сынақ өтпек. Оған қатысу үшін талапкерлер шілденің 25-нен келесі айдың 3-не дейін өтініш берулері қажет. Біздің өлкемізде құжатты Манаш Қозыбаев атындағы СҚМУ 6-шы корпуста орналасқан қабылдау комиссиясына тапсыра аласыздар. Емтихан ақылы түрде өтеді. Оның құны – 2242 теңгені құрайды. Айта кеткен жөн, бұл тестілеуге қатысқан ұл-қыздар мемлекеттік грантқа үміт арта алмайды. Жалпы, үстіміздегі жылы 110 мыңға жуық жас ҰБТ-да білімдерін сынапты. Олардың 82 мыңнан астамы 50 балдан жоғары ұпай жинаған екен.

Ирина Голодова – М. Қозыбаев атындағы СҚМУ қабылдау комиссиясының жауапты хатшысы:

– Тестілеуден қайта өткісі келетін талапкерлер бізге мынандай құжаттарды әкелулері шарт. Олар жалпы орта білімі туралы куәліктің түпнұсқасын, төлемнің жасалғандығын растайтын түбіртек, 3×4 көлеміндегі 2 фотосурет пен 086-У нысанындағы медициналық анықтаманы тапсырулары керек. Тағы, жеке басын куәландыратын құжаттың көшірмесі қажет. Мектеп түлектері үшін қабылдау комиссиясы дүйсенбі мен жұманың аралығында таңғы 9-дан кешкі 18:00-ге дейін жұмыс істейді. Ал демалыс күндері де солай. Бірақ, онда кезекші мамандар келушілерді қарсы алады.

Актолкын Солтанханкызы

Бұдан әрі оқыңыз

Жас ғалымның жаңалығы
Жергілікті ЖОО-дағы жемқорлықпен күрес жұмыстары
Петропавлда болашақ педагогтарға арналып ресурстық орталық ашылды
Қала оқушылары республикалық ғылыми жобалар байқауында үздік атанды
Жастарға бизнес ашудың жаңа жолы
Петропавлдық жасөспірімдер ағылшын тілін тегін меңгеруде
Облыстық білім басқармасының кеңейтілген алқа отырысы өтті
Жерлестеріміз “Зерде” республикалық байқауында үздіктер қатарынан көрінді
21 ақпан – Халықаралық ана тілі күні