Жаға ұстатарлық жағдай. Петропавлда бір жасар қыз терезеден құлап, мерт болды. Оқиға кеше кешке Қазақстан Конституциясы көшесінде орын алды. Қараусыз қалған бүлдіршін баспананың 9-шы қабатынан құлдилаған. Алған жарақаттарынан ол бірден көз жұмды.
Осыған ұқсас жағдай шаһарда өткен аптада тапа тал түсте орын алған болатын. Маусымның 11-і 2 жасар бала 5-ші қабаттағы үйдің терезесінен құлап, жан тапсырды. Құтқарушылар ата-аналар қауымына барлық сақтық шараларын қаперде ұстауды ескертеді. Терезе мен балкон жанында ойнап жүрген балаларды көзден таса қылмаған жөн. Сондай-ақ, жиһаздарды терезелердің маңына орнатпауға кеңес береді.
Эльмира Садвокасова