Жұмысшы кентінде өрт шықты

ТЖД

11:10 11 Маусым 2019

Кеше түнде қаладағы Жұмысшы кентінде өрт шықты. Қызыл жалын Караванная көшесі бойындағы жер үйдің шатыры мен дәлізін шарпып, 30 шаршы метрге жайылған.

Жапа шеккендер жоқ. Үй иесі 4 баласы мен жұбайын тілсіз жау құрсауынан аман-есен алып шыққан. Баспанадағы газ баллонын да отағасы уақытылы сыртқа шығарған. Өрт сөндірушілерге қоңырау сағат 23:06-да түседі. Құтқарушылар оқиға орнына 4 минуттың ішінде жетіп, өртті 40 минуттың ішінде ауыздықтаған. Бұған 17 адам мен 5 бірлік техника тартылыпты. Жалынның бас көтеру себебі мен шығын көлемі анықталуда.

 Саят Ермек