Биыл минералды тыңайтқыштарды субсидиялауға мемлекеттік бағдарлама аясында бюджеттен 5,5 млн теңге бөлінді. Солтүстік Қазақстан облысында бұл шаруаға «BayDala» серіктестігі жауапты.
Аймақта компанияның екі бірдей филиалы бар. Бірі – Петропавл қаласында, екіншісі – Ғ.Мүсірепов ауданының орталығы Новоишимка селосында. Аграрийлер мұннан қажетті минералды тыңайтқыштардың түрі-түрін таба алады.
Сейіт Нәбиев, «BayDala» ЖШС сату бөлімінің басшысы:
– Біз ауыл шаруашылығы тауарын өндірушілерге өнімділікті арттырып, сапасын жақсартуға арналған тиімді қызмет түрін ұсынамыз. Агроном алқаптың басына барып, минералды тыңайтқыштарды себу процесіне қатысады. Оны қадағалап, дұрыс жүруін бақылайды. Сондай-ақ, топыраққа агрохимиялық сараптама жүргіземіз. Осылайша, қажетті элементтерді анықтап, жердің құнарлылығын арттыруға бағытталған жоспар құрып береміз.