Олар Отанды фашистерден қорғады, елге қайтқан соң құқық қорғау саласында қызмет атқарды. Осы күні кезінде ішкі істер органдарында еңбек еткен 4 соғыс ардагері бар. Солардың бірі – Джура Кобелев. Қария бүгін 102 жасқа толып отыр.
Ол Өзбекстанда көпбалалы отбасында дүниеге келген. Ұлы Отан соғысы кезінде Қызыл Армияның атты әскері қатарында болыпты. Сталинград түбіндегі ұрыстарға қатысқан. Шайқастардың бірінде жауынгер ауыр жараланып, Қазақстанның солтүстігіне емделуге жіберіледі. Кейін, осы жақта қалып, милицияда 20 жылдан астам уақыт еңбек етеді. Қартты жақындап қалған Ұлы Жеңіс мейрамымен жергілікті тәртіп сақшылары құттықтады.
– Поздравляю всех! Коллектив, руководителей! Наша сторона – Северный Казахстан. Спасибо, никто нас не забывает!
Сағындык Теміреев – Петропавл қалалық ПБ бастығының орынбасары:
– Джура атамызды құттықтап келіп отырмыз. Зор денсаулық тілейміз.
Култанов Байболат