Спортсүйер қауымға жағымды жаңалық. Солтүстікқазақстандық палуан Нұрқожа Қайпанов Қытайтың Сиянь қаласында өтіп жатқан Азия біріншілігінде чемпион атанды.
70 келі салмақ дәрежесінде белдескен жерлесіміз ақтық сында жапониялық Коджира Шиганы 9:0 есебімен ойсырата ұтты. Осылайша алтыннан алқа тағынды. Бұл медалдың өңір тарихында орны бөлек. Себебі, бұған дейін бірде-бір теріскейлік еркін күрес шебері Азия чемпионы атанбаған болатын. Ел мерейін асырған ұланды, оның бапкерін және солтүстікқазақстандықтарды маңызды жеңіспен облыс әкімі Құмар Ақсақалов өзінің фейсбук парақшасында құттықтады.
Байболат Бектемірұлы