Аязға байланысты өңірдің тәртіп сақшылары трассадағы бақылауды күшейткен. Қазір түрлі бағытта күн сайын 15 экипаж кезекшілік атқарып жүр.
Жалпы, полиция қызметкерлері мен құтқарушыларға қойылған басты міндет – жүргізушілердің және жолаушылардың үсіп қалуын болдырмау.
Сол себепті, тәртіп сақшылары келе жатқан автокөліктердің жүргізушілерінен жалпы жол үстіндегі жағдайды, тоқтап тұрған автокөліктердің бар-жоғын сұрастырады. Өңірде күшейіп тұрған аязға байланысты полицейлер сақтық шараларын ескеріп, алыс жолға шықпауға кеңес береді.
Баян Байғаскина – СҚО ПД жергілікті полиция қызметі басқармасының аға инспекторы:
– Күннің суытуына байланысы 5 ақпан күні «Астана-Петропавл» республикалық тас жолы жабылды. Қазіргі таңда полиция қызметкерлері аталмыш учаскені бақылауда.
Магжан Ахмадина