Петропавлда аулалық клубтар арасында шағын футболдан турнир өтті

Спорт

9:35 30 Қазан 2018

Петропавлда аулалық клубтар арасында шағын футболдан турнир өтті. Жарысқа қаламыздың түрлі аудандарынан 7 команда қатысты.

Жасыл алаңда – “Адмирал” және “Заречный” құрамалары. Жас футболшылар турнирдің бірінші минуттарынан-ақ тартысты ойын көрсетуде. “Адмирал” командасының спортшылары қарсылас қақпаны дәл көздеп, қарқынды шабуылдар жасауда. Солардың бірі – Алексей Сорокин. Оның “Адмирал”-дың құрамына қабылданғанына 3 жыл болған. Айтуынша, доп тебуге кішкентай кезінен әуес екен. Үнемі ауладағы балалардың басын қосып, футбол ойнауды жақсы көреді.

Алексей Сорокин – “Адмирал” құрамасының ойыншысы:

– Осындай турнирлерге жиі қатысып тұрамын. Құрамада 10 ойыншы бар. Оның бесеуі негізгі топта ойнайды. Бүгінгі ойында біздің құрама жеңіске жетеді деген ойдамын.

“Мяч” жастар қоғамдық бірлестігінің осындай турнир ұйымдастырудағы мақсаты – балалардың спортқа деген ынтасын арттыру.

Жарысқа биыл 7 команда қатысып жатыр. Атап өтерлігі, осындай аулалық құрамалар арасындағы сайысқа 17 жылдың ішінде 2 мыңнан астам жасөспірім атсалысқан.

Вячеслав Гуменный – “Мяч” жастар қоғамдық ұйымының төрағасы:

– Мұндай ойындар әр ай сайын өтіп тұрады. Ойыншылар жақсы ойын көрсетіп жатыр. Балалардың жас ерекшелігі 10-нан 18-ге дейін. Қуантарлығы, жыл сайын аула футболына қатысамын деушілердің саны артып келеді.

Жарыс қорытындысы бойынша спортшылар кубок және мақтау қағаздырамен марапатталмақ. Ал, ең үздік құрамаға доп сыйға тартылады.

Ешкенова Дана

Бұдан әрі оқыңыз

«Qulager» хоккейшілері «Ertis» құрамасын тізе бүктірді
Аға буын өкілдері мен мектеп оқушылары шахмат ойнады
Жерлес футболшылар чемпион атанды
Өңірде жекпе-жектен облыстық турнир өтті
Тартысты матч тең аяқталды
Хоккейшілеріміз қарымта кездесуде басым түсті
Шаһарда жүгіруден марафон өтті
«Qulager» хоккейшілері теміртаулықтарға есе жіберіп алды
Нұрқожа Қайпанов күміс медаль еншіледі
«Qulager» хоккейшілері өскемендік «Altai Torpedo» құрамасына есе жіберіп алды
“Qulager” ХК “Теміртау”-дан жеңіліс тапты
Александр Винокуров “Iron Man” жарысында жеңіске жетті