Мемлекеттік қызметтер электрондық форматта

Қоғам

10:11 10 Қазан 2018

Жыл басынан қоғамдық денсаулық сақтау департаменті 2 мыңнан астам мемлекеттік қызмет көрсеткен. Алайда, 400 жағдайда мамандар тұрғындардың өтінішін қабылдамапты. Себебі, жерлестеріміз құжаттарды дұрыс толтырмаған көрінеді.

Мемлекеттік қызметті электрондық форматта көрсету – уақытты ұтымды пайдаланудың жолы. Бүгінде ол барлық мемлекеттік органдардың жұмысына енгізіліп жатыр. Осылайша, жаңашылдық тек тұрғындардың ғана емес, мамандардың да шаруасын әлдеқайда жеңілдететіні сөзсіз. Оған қоса, бұл – жемқорлыққа тосқауыл қоюдың бір тәсілі. Мәселен, облыстық қоғамдық денсаулық сақтау департаментінде мемлекеттік қызметтің 9 түрін алуға болады.

Арман Күшбасов – СҚО қоғамдық денсаулық сақтау департаменті басшысының м.а.:

– Біздің департамент жыл басынан 2138 мәрте мемлекеттік қызмет көрсетті. Оның 1600-ге жуығы медицина саласына, ал қалғаны халықтың санитарлық-эпидемиологиялық салауаттылығына қатысты. Мемлекеттік қызметтердің барлығын «электрондық үкімет» порталы арқылы алуға болады. Оған қоса, бұл мақсатта «Е-лицензиялау» жүйесі жұмыс істейді.

Қоғамдық денсаулық сақтау саласындағы мемлекеттік қызметтер «Е-лицензиялау» порталында 3 жыл бұрын пайда болды. Қазір теріскейліктер аталған жүйе арқылы жұмыс істеуді әдетке айналдырған көрінеді. Мәселен, ведомство ұсынатын мемлекеттік қызметтерінің 99 пайызына жерлестеріміз дәл осы сайттың көмегімен қол жеткізген.

Арман Күшбасов – СҚО қоғамдық денсаулық сақтау департаменті басшысының м.а.:

– 2018 жылдың 9 айы ішінде жалпы облысымыз бойынша мемлекеттік қызметтерді алу бойынша 400-ге жуық өтініші қабылданбады. Себебі, тұрғындар талап етілген құжаттардың кейбірін ұсынбаған. Сондай-ақ, өтінішті дұрыс толтырмаған жағдайда да қызмет көрсетілмейді.

Сондықтан департамент мамандары мемлекеттік қызметті алудың тәртіптеріне мұқият назар аударуды сұрайды.

Эльмира Садвокасова

Бұдан әрі оқыңыз

Елбасының елге сіңірген еңбегі
Қылқалам шеберлерінің картиналары көрмеге қойылды
Елбасының еңбегі сараланды
Петропавлда қаракүзен, мутон ішіктер мен тондардың көрмесі өтеді
Петропавлда мемлекеттік қызметтер жәрмеңкесі өтті
Айыртау ауданының әкімі журналистер алдында есеп берді
2020 жылдың 3-ші қазанынан кейін ескі банкноттарды айырбастау аяқталады
Кәсіподақ өкілдері марапатталды
Петропавл тұрғыны жұмбақ жағдайларда қаза тапты
“Адал ұрпақ” клубтарының белсенділері бас қосты
Қалаға кіреберісте Винокуровқа арналған композиция пайда болды
Атаулы әлеуметтік көмек жүйесіндегі өзгерістер