Теріскейлік суретші Вячеслав Смирновтың 35-ші көрмесі ашылды

Мәдениет

16:30 20 Тамыз 2018

Облыстық бейнелеу өнері мұражайында теріскейлік суретші Вячеслав Смирновтың 35-ші жеке көрмесі ұйымдастырылды. Қылқалам шебері қала тұрғындарына өлкеміздің әсем табиғаты бейнеленген 50-ге жуық картинасын ұсынған. Аталған көрме 1 айға жалғасады.

Мына жердегі барлық картиналарда туған өлкеміздің көрікті жерлері мен әсем табиғаты бейнеленген. Бұл туындылардың авторы Жамбыл ауданының тумасы – Вячеслав Смирнов. Қылқалам шеберінің үйінде кішігірім шеберханасы бар екен. Қолы бос болған уақытта суретші өзіне ұнаған табиғат көріністерін қағаз бетіне түсіреді. Мәселен, “Тасқыннан кейінгі бөген маңы” картинасы – автордың сүйікті туындыларының бірі. Жалпы көрме залына 50-ге тарта картина қойылған.

Вячеслав Смирнов – суретші:

– Бүгін мен көрермендерге өзімнің 35-ші жеке көрмемді ұсынып отырмын. Бұл туындыларды қыс мезгілінен бері сала бастадым. Аққайыңдар өлкесіне арналған еңбектерімнің барлығы майлы бояумен салынған. Өзім балықшы болғандықтан, табиғат аясында жиі болып тұрамын. Жалпы, менің 1500-ге жуық еңбегім бар.

Бүгінгі шығармашылық кешке Вячеслав Смирновтың жақындары мен достары жиылды.
Солардың бірі – Любовь Ткаченко. Нәзікжанды көрмеге Ресейдің Қырым қаласынан арнайы келген екен.

Любовь Ткаченко: Вячеслав Смирновтың туысы:

– Туындылардың барлығы көздің жауын алады. Әсіресе, “Алғашқы қардың еруі” деген картинасы көңілімнен шықты. Вячеслав Смирновтың көрмесіне отбасымызбен бірге осымен 3-ші рет келіп отырмыз. Үйімізде оның сыйға тартқан 4-5 еңбегі бар.

Көрмені тамашалауға келгендер картиналардың жоғары шеберлікпен салынғанын айтады.

– Бізге барлық суреттер ұнады. Автор туындыларында өңірдің табиғатын тамаша бейнелеген екен.

– Мен Вячеслав Смирновты бұрыннан танимын. Өте дарынды суретші. Оған болашақта сәттілік тілеймін.

Вячеслав Смирновтың “Жыл мезгілдері” атты жеке көрмесін облыстық бейнелеу өнері музейінде 1 ай бойы тамашалауға болады.

Молдир Макишева

Бұдан әрі оқыңыз

Н.Погодин атындағы облыстық орыс драма театры жаңа маусымын ашты
Соғыс және еңбек ардагерлерінің халық академиялық хорына – 35 жыл
Петропавлда америкалық әнші Рональд Бейкер концерт берді
Университет қабырғасында неміс мәдениеті күндері өтуде
Италияндық музыканттың жеке шығармашылық кеші өтті
Бейімбет Майлиннің туғанына – 125 жыл
“Туған жерім – Қазақстаным” атты поэзиялық байқау өтті
НЗМ оқушылары халықаралық би байқауында үздік атанды
Петропавлда “Крокодил” шығармасы сахналанды
“Жыл мезгілдері” атты көрме қанат жайды
“Күдер” ансамблі Дубайда халықаралық байқаудың жеңімпазы атанды
“Айлы түннің жарығымен” фестивалі өтті