СҚО әділет департаментінің мамандары мүгедектерге қызмет көрсетті

МТРА жаңалықтары

15:51 28 Маусым 2018

78 жастағы қала тұрғыны Зинаида Вишневецкаяның 2 ұлы бар. Тұңғышы Украинада, ал кішісі Петропавлда тұрады. Қазір зейнеткер мүлкін балаларының арасында тең бөліп беру қамында жүр. Сондықтан, қарт ана мұрагерлік жайлы кеңес алу мақсатында облыстық әділет департаментінің мамандарына жүгінген. Сөйлеу және есту кемістігі бар Зинаида Вишневецкаяның базынасын мемлекеттік мекеме қызметкерлеріне сурдоаудармашылар жеткізді.

Зинаида Вишневецкая – қала тұрғыны:


– 2 бөлмелі пәтерім болған. Оны сатып, қаражаттың жартысына 1 бөлмелі баспана алдым да, қалған соманы шет елде тұратын ұлыма бердім. Ал, үйімді екінші балама мұрагерлікке қалдырмақпын. Жаңа ғана мамандардан осы іс бойынша құжаттарды қалай жүргізу керектігін сұрадым. Маған олар бірқатар кеңестер берді.

Бүгіндері өңірімізде есту және сөйлеу қабілеті шектеулі 900 шақты жерлесіміз тұрады. Әділет департаменті мамандарының құзыретіндегі қызметтерді олар осы сурдоаудармашылардың көмегіне жүгініп, ала алады. Ал бүгін 20 шақты жарымжан заң өкілдерімен тілдесіп, өз базыналарын жеткізді.

Ирина Сактанова – СҚО әділет департаментінің бөлім басшысы:


– Қоғамның әлжуаз топтары денсаулықтарына байланысты мемлекет көрсететін көмектер жайлы біле бермейді. Ал, осы іспеттес кеңес беру шаралары кембағал адамдарға мейлінше жәрдемдесуді көздейді.

Ұйымдастырушылар қоғамның әлжуаз топтарын қолдауға арналған кездесулерді алдағы уақытта да жалғастырмақ.

Тогжан Акмагамбетова

Бұдан әрі оқыңыз

Жүк тиелген көліктер тексерілді
Мұздай судың ішінде 10 сағат бойы тұрған балықшы құтқарылды
СҚО-ның әлеуметтік-экономикалық даму көрсеткіштері
СҚО-да Армениядан әкелінген 115 автокөлік тіркелді
Өңір атынан Сенат депутаттығына үміткер тіркелді
Кадрлық ауыс-түйіс
Заманауи аялдамалардың әйнектері ауыстырылуда
Облыстық әкімдік бүгін 5 айды қорытындылады
ҰҰ Әскери институтын биыл 219 офицер тәмамдады
әл-Фарабидің 1150 жылдығына орай республикалық онлайн семинар өтті
Солтүстікқазақстандықтар Елбасыға үндеу жолдады
“Е-gov-тың үздік қолданушысы” байқауы өтті