“Қарагөз” спектаклі үздік деп танылды

Мәдениет

14:40 20 Маусым 2018

Қарагөз спектаклі – қазақ драматургиясындағы үздік туындыларының бірі. М.Әуезовтың шығармасы бүгінге дейін еліміздің түкпір-түкпірінде жүздеген рет сахналанған болатын. Классикаға айналған туынды теріскейдегі қазақ театрының өзінде екі нұсқада қойылды. Алғашқысы солтүстікқазақстандық көрермен назарына 2000-шы жылдары ұсынылса, екінші жаңарған нұсқаның премьерасы үстіміздегі жылдың сәуірінде өтті. Соңғысы жергілікті жерде ғана емес, елордалық театр сүйер қауымның қошеметіне де бөленді. Спектакль Астана қаласында өткен 6-шы халықаралық «Самғау» фестивалінде жоғары бағаға ие болып, «Үздік режиссура» номинациясында топ жарды. Себебі, пьеса тың жанрда ұсынылып, әрі мазмұны бойынша басқаларынан өзгешерек болды.

Фархат Молдағали – С.Мұқанов атындағы қазақ сазды драма театрының бас режиссері:

– Біз қалыптасып қалған стереотип пен қағидаларды бұзуға тырыстық. Саундрама жанрында қойдық. Көрерменге ұнады.

Қойылымға 15 актер 3 ай бойы дайындалған. Әрбір рөлдің спектакльдегі орны бөлек. Декорация мен көпшілік сахна мұнда жоқ. Пьесаның мазмұнын көрерменге толығымен жеткізуге музыка көмектеседі. Басты рөлдердің бірі – Наршаны сомдау театр әртісі Нұржан Асылханға бұйырыпты. 3 ай бойы азамат өз кейіпкерімен танысып, күн-түн демей еңбек еткен. Туындыдағы Наршаның әрбір қасиеті мен қылығын актер өзінің жан дүниесі арқылы өткізуге тырысыпты.

Нұржан Асылхан – С.Мұқанов атындағы қазақ сазды драма театрының актері:


–  Режиссердің мақсаты – «Қарагөзді» дәстүрлі «Қарагөзден» басқашалап қою болды. Сондықтан болар, маған да бұл рөлді сомдау қиынға соқты.

Театр сыншылары мен беделді режиссерлер алдынан өткен пьеса енді маусымның 26-сы өтетін ІІ Дүниежүзілік «Астана» театр фестивалінде сахналанбақ. Мұндай мүмкіндікке Қазақстанның тек 4 театры ғана ие болған. Фестивальде Азия мен Еуропаның әлемдік дәрежедегі өнер ұжымдары қатысады.

Эльмира Сәдуақасова

Бұдан әрі оқыңыз

Петропавлда америкалық әнші Рональд Бейкер концерт берді
“Күдер” ансамблі Дубайда халықаралық байқаудың жеңімпазы атанды
Қазақ театрында – жаңа премьера
Швед елшісі Н.Погодин атындағы облыстық орыс драма театрында болды
Суретші Василий Манзяның 85 жылдығына арналған көрме
Н.Погодин атындағы облыстық орыс драма театры жаңа маусымын ашты
Италияндық музыканттың жеке шығармашылық кеші өтті
Петропавлда “Крокодил” шығармасы сахналанды
Соғыс және еңбек ардагерлерінің халық академиялық хорына – 35 жыл
Бейімбет Майлиннің туғанына – 125 жыл
“Айлы түннің жарығымен” фестивалі өтті
“Туған жерім – Қазақстаным” атты поэзиялық байқау өтті