Маусым айындағы ауа райы

Ауа райы

13:57 5 Маусым 2018

– Жаз келісімен тұрғындардың басым бөлігі бос уақыттарын табиғат аясында өткізуге асығатыны белгілі. Сондықтан оларды маусым айындағы ауа-райы толғандырып отыр.

– Маусым айы жаңбырмен басталды. Соған қарамастан, күн жылы болады деген ойдамын.

– Қыс мезгілінде де, көктемде де күн суық болды. Сол себепті, жаз да сондай болатын сияқты. Жалпы қазір климаттық өзгерістер жиілеп кетті.

– Маусым айы өткен жылғыдай бір қалыпты болады деп сенемін. Себебі, көктем айларында ауа-райы суық болды.

Маусым айының алғашқы күндері солтүстікқазақстандықтарды аса қуанта қоймады. Қатты жел соғып, біраз жерлерде нөсерлетті. Ауа температурасы маусымның 10-ына дейін түнде 2-7, ал күндіз 15-20 градусты көрсетпек. Желдің екпіні болса, тек айдың екінші онкүндігінде саябырсып, күн райы да жылы қабақ танытпақ.

Гүлзат Ғазизова – “Қазгидромет” РМК СҚО бойынша филиалының метеорологиялық болжау бөлімінің басшысы:

– Екінші онкүндікте ауа температурасы түнде 19-24, күндіз 29-34 градус, ал кей жерлерде 39 градусқа дейін жетпек. Алайда, жаңбыр жауып, найзағай түседі деп күтілуде.

Үшінші онкүндіктің басында да ауа-райы бір қалыпты болады деп күтілуде. Түнде сынап бағанасы 12-17, ал күндіз 22-27 градусты көрсетеді. Кей жерлерде ауа температурасы 35 градусқа дейін жоғарыламақ. Сондай-ақ, жауын-шашын мөлшері нормадан тыс түсуі ықтимал. Ал желдің екпіні – 15-20 метрді құрайды.

– Тарихқа көз жүгіртсек, маусым айының ең жоғарғы температурасы 1963 жылдың 24-ші маусымда орын алған. Онда сынап бағанасы +38,4 градусты көрсетіпті. Ал ең төменгі көрсеткіш 1938 жылдың 10 маусымында тіркелген екен. Бұл күні ауа температурасы -1,5 градус болған.

Молдир Макишева

Бұдан әрі оқыңыз

Өңірде бұрқасын болуы ықтимал
Қараша айында ауа райы қалай болмақ
Дауылдық ескерту
Алдағы күнге арналған ауа райы
Алдағы күнге арналған ауа райы
Ертең өңірде тұман түсіп, сырма жүреді