Музей түні шарасы әлемнің 150-ден астам мемлекетінде ұйымдастырылады. Қазақстанда бұл іс-шара алғаш рет 2006 жылы өтті. Ал, біздің өңірде бұл – екінші мұражай түні. Осыған орай Абылай хан Резиденциясы көрермендерге шағын концерт пен ойындар әзірлеген
Әсемгүл Қыдбекова – “Абылай хан резиденциясы” мұражай кешені директорының орынбасары:
– “Рухани жаңғыру” бағдарламасы аясында және халықаралық мұражай күні қарсаңында біз осы іс-шараны өткізіп отырмыз. Мұражай түні шарасына қаламыздың студенттері мен оқушылары және филармония әншілері қатысуда.
Мұражай қызметкерлері бұл түні келушілерге “Ғасыр қойнауындағы тарих” атты квест ойынын әзірлеген. Ойынның шарты бойынша 3-4 адамнан тұратын әр командаға “Саяхатшы кітабы” ұсынылады. Ойыншылар барлық шарттарды 30 минут ішінде өтулері тиіс. Келушілердің арасында 7 сынып оқушысы Мирас Құрманғали де бар.
Мирас Құрманғали:
– Музей түні болады деп естіген соң досыммен бірге осында келдік. Казір квест ойынына қатысып, бағымызды сынап жатырмыз.
Танымдық шара жастардың көңілінен шықты.
– Мұражай түніне отбасымызбен бірге келдік. Балапандарымызға ұнап жатыр. Ұйымдастырушыларға алғысымды білдіремін.
– Осындай акция жиі өткізіліп тұрса жақсы болар еді. Жастарға берері мол.
Ешкенова Дана