“Нұр әлем” сферасында ашық сабақтар өткізіледі

МТРА жаңалықтары

14:58 21 Мамыр 2018

“Нұр әлем” сферасы – инженерлік ақыл-ойдың керемет жетістігі. Былтыр Сарыарқа төсінде орын тепкен бірегей нысанға келгендердің санында есеп болмады. Ресми мәліметке сүйенсек, 2017 жылы ЭКСПО халықаралық көрмесін әрбір 4-ші солтүстікқазақстандық тамашалапты. Өткен жылы Елбасының шешімімен “Нұр әлем” сферасында болашақтың энергиясы музейі ашылды. Енді мұнда оқушылар үшін жаз айларында ашық сабақтар ұйымдастырылып тұрмақшы.

Роза Асанбаева – Қазақстан туристік қауымдастығының президенті:


– Қазіргі таңда Ақмола облысы мен Астана қаласының мектептері “Нұр әлем” сферасында ашық сабақтарға қатысу үшін кезекте тұр. Онда физика, математика, химия, биология тағы да басқа пәндер бойынша ашық сабақтар ұйымдастырылады. Көрнекіліктер арқылы оқушылардың сабақты түсіну көрсеткіші жоғарылайды. Сол жерде балаларға желден, судан, күннен энергия өндіру механизмдері көрсетіледі.

Қазақстан туристік қауымдастығының президенті Роза Асанбаева осылайша оқушыларды ғылымға бір табан жақындатуға болады дейді.
Жаз мезгілінде өңір оқушыларына да “Нұр әлем” сферасында ашық сабақтар өткізіледі.

Мадияр Қожахмет – облыс әкімінің орынбасары:


– Балалардың барлығы бірдей “Нұр әлем” сферасына барып көрмеген болар. Сондықтан әр балаға музейді аралауға мүмкіндік беру керек. Мектеп турларын ұйымдастыруға облыстық әкімдік, ЭКСПО-2017 ұлттық компаниясы және кәсіпкерлер палатасы ат салысады.

Бұл шаруаны іске асырудың амалдары облыстық әкімдік, Қазақстан туристік қауымдастығы және кәсіпкерлер палатасының өкілдері қол қойған меморандумда қарастырылған.

Берік Қасен

Бұдан әрі оқыңыз

ҰБТ-ның үшінші кезеңі 24-ші маусымда бастау алады
Биыл Мамлют ауданына 54 отбасы көшіп келеді
Солтүстікқазақстандықтар Елбасыға үндеу жолдады
Қызылжар ауданындағы 25 ауылға жарықдиотты шамдар орнатылуда
Спортсүйер жерлестеріміз қашықтықтан өткен сурет салу байқауына қатысты
Қазақстанда “Жас отбасы” ипотекалық бағдарламасы іске қосылды
Өңірден Сенат депутаттығына тағы бір кандидат тіркелді
Солтүстікқазақстандықтар Елбасының алғыс хатымен марапатталды
СҚО-да Армениядан әкелінген 115 автокөлік тіркелді
Облыстық әкімдік бүгін 5 айды қорытындылады
Судың да сұрауы бар
Биыл Ақжар ауданында 21 әлеуметтік маңызы бар нысан жөнделеді