“Burabay Summer Fest” теле-фестиваліне іріктеу өтті

Мәдениет

14:27 14 Мамыр 2018

“Burabay Summer fest” – ең дарынды жастарды жинап, таланттылардың талабын арттыруды көздейтін халықаралық телевизиялық фестиваль. Оған 10 мен 16 жас аралығындағы жеткіншектер қатысады. Биылғы шара Елорданың 20 жылдық мерейтойына арналмақ. Мамырдың 12-сінде аталмыш халықаралық фестивальге қатысатын теріскейлік жеткіншектер іріктелді.

Ботагөз Тағұдретова – СҚО Білім басқармасының бас маманы:


– Іріктеу тоғыз аталымда жүріп жатыр. Вокал, дәстүрлі ән, көркемдік оқу және тағы да басқалары. Барлығы 200-ге жуық жеткіншек қатысып жатыр.

Оқушылар сарайында бишілер сынға түсті. Іріктеуге облыстың барлық аудандарынан 15-тен астам топ жиналған. Қазір сахнада “Алуа” би ансамблі өнер көрсетіп жатыр. 9-10 жасар қыздар қазылар сынына “Бүркіттер” биін ұсынды.

Айзере Төлеген – “Алуа” халықтық би ансамблінің бишісі, Петропавл қаласы:


– Біз Астанада бұл бимен бірінші орын алдық. Би қиын емес, оны бір айдың ішінде жаттадық.

Ал мынау – Ғ. Мүсірепов ауданынан келген “Конфетти” ансамблі. Олардың билері тіпті ерекше. Кавказдың лезгинкасын аудан бишілері барабандармен әрлеп, көрген көздің жауын алатын композиция түрінде ұсынды.

Валентина Кириенко – “Конфетти” халықтық би ансамбілінің бишісі, Ғ.Мүсірепов ауданы:


– Композициямыз өте қиын. Барабандағы ойын мен биді ұштастыру үлкен физикалық дайындықты талап етеді. Сондай-ақ тау халқына тән күш пен қайратты жеткізе білу керек. Бірақ сәтті өнер көрсеттік деп ойлаймын. Бұл бидің бізге Бурабайға жолдама беретініне сенімдіміз.

9 аталымда үздік шыққан теріскейлік таланттар маусым айында Бурабай курортында өтетін 2 апталық курстарға жолдама алады. Мұнда жеткіншектерге отандық және шетелдің танымал өнерпаздары сабақ беріп, шеберлік сыныптарын өткізеді. Ал Бурабай халықарлық фестивалінің гала-концерті шілденің алғашқы күнінде Елордада өтпек. Бұл шараға тек жүзден жүйрік, мыңнан тұлпар шыққан жас дарындар ғана қатысады.

Саят Ермек

Бұдан әрі оқыңыз

Бейімбет Майлиннің туғанына – 125 жыл
“Швецияның әуендері мен ырғақтары” атты концерт өтті
Швед елшісі Н.Погодин атындағы облыстық орыс драма театрында болды
Петропавлда америкалық әнші Рональд Бейкер концерт берді
“Айлы түннің жарығымен” фестивалі өтті
Петропавлда облыстық “Абай оқулары” өтті
НЗМ оқушылары халықаралық би байқауында үздік атанды
Петропавлда “Крокодил” шығармасы сахналанды
Шоқан Уәлихановқа арналған көрме қанат жайды
Соғыс және еңбек ардагерлерінің халық академиялық хорына – 35 жыл
Қазақ театрында – жаңа премьера
Университет қабырғасында неміс мәдениеті күндері өтуде