Міне, интеллектуалдық ойынға қатысуға ниет білдіргендерге осы сынды викториналық сұрақтар дайындалған. Ал, бүгінгі тапқырлардың сайындағы сауалдар тек қана Ұлы Отан соғысы тақырыбын қамтыған. М. Қозыбаев атындағы СҚМУ-дың студенті Аслан Қайыров “Жас Отан” ЖҚ командасының намысын қорғауда. Тарихшы мамандығының қыр-сырын меңгеріп жүрген жас білгірлердің додасына мықтап дайындалыпты.
Аслан Қайыров – М. Қозыбаев атындағы СҚМУ студенті:
– Сайысқа дайындығымыз жоғары. Тобымызда 5 адам бар. Ұлы Отан соғысына қатысқан ардагерлеріміз бізге баға береді. Осы сайысқа бірнеше команда қатысып отыр. Интеллектуалды ойында жеңіске жетеміз деген үміттемін.
Жалпы бүгінгі интеллектуалды байқауда 4 құрама өзара мықтыны анықтамақ. 20 үміткерге 3 кезеңнен сүрінбей өту қажет.
Әлфараби Мыңбай – Қалалық жастар бастамалары орталығы жетекшісінің көмекшісі:
– Біздің шарамыз жыл сайын өткізіліп тұрады. Былтыр осы жерде ардагерлер кеңесі мүшелерінің қатысуымен кездесу ұйымдастырдық. Басты мақсат – өткен тарихымызды қазіргі жастардың бойына сіңіру. Сол тарихтан керекті мағлұматтарды алу.
Сондай-ақ,интеллектуалдық ойынға жиылған жұртшылық назарына “Ұлы ерлік мәңгілік” атты кітаптар көрмесі ұсынылды.
Тогжан Акмагамбетова