Петропавлда “Алтыншы бекет” көркем фильмінің тұсаукесері өтті

Мәдениет

14:41 15 Наурыз 2018

Ерлігімен ерекшеленген Ербол Отарбаев жанқиярлық әрекеті үшін Елбасының Жарлығымен III дәрежелі “Айбын” орденімен марапатталды. Бүгінде ол – Ұлттық Ұланның үлгі тұтар офицері. Аталмыш фильм “Хабар” Агенттігі мен “Аю синема” компанияларының бірлескен туындысы. Фильм еліміздің екі ірі шаһарында түсірілген. Оған 2000-ға жуық адам ат салысыпты. Қоюшы режиссері – Серікбол Өтепбергенов. Ал бас кейіпкердің рөлін жас актер Санұржан Сүлейменов сомдап шықты.

Алтынбек Жүсіпов – ҚР ҰлттықҰлан “Орталық” өңірлік қолбасшылығы қолбасшысының орынбасары:

– Қазақстанның ірі қалаларында “Алтыншы бекет” фильмі көрсетіле бастады. Басты мақсаты – Ұлттық ұлан сарбаздарының ерлігін жалпақ жұртқа паш етіп, жастарды әскери борыштарын абыроймен өтеуге шақыру. Жалпы бейнекөрініс 2017 жылдың басынан түсіріле бастады. Ал тұсаукесері ақпанның 20-сында Астана қаласында өтті.

Көркем фильмді тамашалауға облыс және қала басшылығы, соғыс ардагерлері, ҰҰ және ішкі әскер органдары, жауынгерлер мен қоғам өкілдері келді. Жерлестеріміз туындыдан мол әсер алғандарын айтады.

– Еліміздің Ұлттық гвардиясының бір күндік өмірінен сәтті шыққан фильм деп есептеймін. Олардың Отан қорғаудағы жұмыстарының қиын екендігін сезініп шықтық.

– Фильм негізі жақсы түсірілген. Жастар үшін үлкен тәрбие мәнін береді.

– Фильм өмірдегі болған оқиғаға негізделіп түсірілген. Ол сарбаздардың мақтанышы болып есептеледі.

“Алтыншы бекет” фильмі наурыздың 15-нен бастап еліміздің барлық кинотеатрларында жаппай көрсетіле бастады. Сонымен қатар, туындыны Ресей нарығына шығару да жоспарда бар.

Молдир Макишева

Бұдан әрі оқыңыз

Облыстық кітапханада Сәбит Мұқанов атындағы мәжіліс залы ашылды
Ш.Уәлихановтың 185 жылдығына арналған дөңгелек үстел жиыны өтті
«Мәңгілік» би ансамблі халықаралық байқаудың жеңімпазы атанды
Облыстық балалар мен жасөспірімдер кітапханасы жаңа кітаптармен толықты
Жергілікті айтыскерлер “Рухани қазына” онлайн фестивалінде үздік атанды
Жерлес суретшінің картинасы “Super қыз” кітабында басылып шықты
Шоқан Уәлихановтың дүниеге келгеніне – 185 жыл
«Ұстаздың оралуы» атты спектакльдің премьерасы өтті