Облыс аумағында соңғы 6 күн ішінде 33 жол-көлік апаты тіркелді

Құқық қорғау органдары

14:46 12 Наурыз 2018

Мәселен, наурыздың 6-сынан бастап өңір аумағында 33 бірдей оқыс оқиға орын алыпты. Олардың 23-і облыс орталығында тіркелген. Абырой болғанда қаза тапқан солтүстікқазақстандықтар жоқ.

Баян Байғаскина – СҚО ІІД ЖПҚ бөлімшесінің аға инспекторы:


–  Ең ірі жол-көлік апаты Петропавлда тіркелді. Наурыздың 9-ы күні Жабаев және Интернационал көшелерінің қилысында Нива мен Фольксваген машиналары соғысты.

Сонымен қатар, осы күндері шаһарда машина ұрлығы да тіркелді. Наурыздың 9-нан 10-на қараған түні қала тұрғыны Тимур Өмірзақовтың аулада тұрған көлігін баукеспелер қолды қылыпты. Ол Ресей азаматына тіркелген 2016-жылғы Хёндай Соляристі ақпанның 20-сында сатып алған екен. Көлік иесі меншігінің техпаспорты мен сақтандыру құжатын ғана рәсімдеп үлгеріпті.

Тимур Өмірзақов – қала тұрғыны:


–  Өзім бұл іске машинаны маған сатқан жандар себепкер деп санаймын. Олар мені алдап соғуы мүмкін. Яғни, алаяқтар сенімхат арқылы көлікті мініп жүріп, басқаларға сатады. Кейін, одан ұрлап келесі адамдарға өткізеді. Темір тұлпарда дабыл жүйесі орнатылған болатын. Алайда, ол түнде ешқайдай хабар бермеді.

Тимур машина жоғалған күні-ақ тәртіп сақшыларына өтініш жазыпты. Азамат көлігінің көп ұзамай табылатынына үміттенеді.

Байболат Бектемірұлы

Бұдан әрі оқыңыз

Жүк көлігі Заречныйдағы көпірдің бөренесін қиратты
18 мамыр – Халықаралық музей күні
Тәртіп сақшылар профилақтикалық іс-шара жүргізуде
СҚО-да 11 блокпост қызметін тоқтатты
Жыл басынан 26 интернет-алаяқтық фактісі әшкереленді
Құтқарушылар рейдтік шараларды жиілетті
Петропавлда жол-көлік оқиғасы орын алды
Полиция қызметінен сыр шертетін жәдігерлер
Петропавлда жол-көлік оқиғасы болды
Электросамокатты пайдалану ережелері
Тәртіп сақшылары автобустарды тексеруде
59 тонна бидай ұрланған