Облыс орталығында қолөнер бұйымдарының көрмесі өтті

Мәдениет

13:15 8 Ақпан 2018

Наталья Новикова – әділ қазылар алқасы:

– Қолданбалы өнер бұйымдарының көрмесі жыл сайын дәстүрлі түрде өткізіліп тұрады. Мұндай көрмелер балалардың бойында көркемдік талғамын тәрбиелейді және қолданбалы өнерге деген қызығушылықтарын арттырады. Айта кетерлігі, қала интернаттары шығармашылықтарымен ерекшеленіп, бірінші орындардан көрінеді.

Қолөнер бұйымдарының қай-қайсысы болмасын үлкен еңбек пен төзімділіктің арқасында дүниеге келгені байқалып-ақ тұр.

– Бұл киіз үйдің кішігірім макеті. Мұнда қазақ халқының дәстүріне сәйкес ағаш төсек, сандықтар, қоржын, түскиіз, ақ дастархан және бөстек бар. Бұл композицияны жасап шығуға балалардың 1,5 ай уақыты кетіпті.

Ал мына композиция “Самұрық” деп аталады. Қазақ халқының ертегісіне негізделген бұл картинаны жасап шығару үшін Назарбаев зияткерлік мектебінің 8-сынып оқушысы Сабина Ибраева жарты жыл еңбектенген. Ол үшін бойжеткен алдымен картинаның эскизін салып, кейін үстінен жіппен бастырып тіккен.

Сабина Ибраева – көрмеге қатысушы:

– Мен тігуді мектебімдегі “Тұмар” үйірмесінде үйрендім. Бұл композицияны қыркүйек айынан бастап жасаған болатынмын. Ол үшін түрлі техникаларды қолдандым.

Жалпы қолөнер бұйымдарының бүгінгі көрмесіне өңіріміздің 9 ауданның мектептері мен Петропавл қаласының білім ошақтары ат салысқан. Әр аталым бойынша үздік деп танылған жұмыс иелері дипломдармен марапатталады.

Молдир Макишева

Бұдан әрі оқыңыз

Мәдениет және өнер қызметкерлері марапатталды
Облыстық филармонияда онлайн концерт өтті
Онлайн жыр-мүшәйрасының жеңімпаздары анықталды
21-ші мамар – Мәдениет және өнер қызметкерлері күні
Әртістер ардагерлерді Ұлы Жеңістің 75 жылдығымен құттықтады
“Әлқисса” фольклорлық ансамблі онлайн концерт берді
“Абайды оқы, таңырқа” марафоны мәресіне жетті