– Ойын өте тартысты өтіп жатыр. Жерлестерімізге аздап қарқын қосу керек. Сонда жеңіске жетеміз деп ойлаймын.
– Бүгін Құлагерліктердің қарсыластары осал емес. Ойын оңайға соқпайды.
– Жерлестерімізге басымырақ болу керек. Есеп 1:1. Әлі де шайбалар соғылады деген үміттемін.
Екінші периодта құлагерліктер жанкүйерлер үмітін ақтауға тырысып бақты. Ойынның 38-ші минутында Борис Кондауров қарсылас қақпаға шайба соқты. Осылайша айдын иелері алға шықты.
Ал үшінші айналымда тартыс қыза түсті. Ойынның 48-ші минутында алаң иелері қарсылас қақпаға тағы бір шайбаны дөп түсірді. Соңғы сиренаға 2 минут 7 секунд қалғанда Құлагер ойыншысы Сергей Копылец кездесудің шешуші шайбасын соқты. Сөйтіп, жерлестеріміз үш шайба айырымасымен алға шықты.
Денис Макаров – “Бейбарыс” ХК ойыншысы:
– Ойынды жақсы бастаған едік. Бірақ қателіктерге бой алдырдық. Осы сәтті құлагерліктер тиімді пайдалана білді. Енді келесі ойында есе қайтарамыз деп ойлаймын.
Әзірге, жерлестеріміз турнир кестесіндегі 3-ші орындарын сақтап тұр. Қарымта ойын кешкі сағат 19:00-де өтеді.
Молдир Макишева