Ақтық сынға еш сүрінбей өткен боксшылар көрерменге тартысқа толы жекпе-жек сыйлауда. Дегенмен, қызыл жейде киген Дәулет қарсыласынан айласын асырып, алға суырылып шықты. Осылайша, алматылық жасөспірім республикалық доданың алғашқы жеңімпазы атанды.
Дәулет Сейдалиев – жарысқа қатысушы, Алматы қаласы:
– Қарсыласым мықты болды. Жеңіске жету оңайға түспеді. Осы жарысқа 1 ай көлемінде дайындығымды шыңдадым.
Жалпы аталған додаға 11 салмақ дәрежесі бойынша 120 боксшы қатысты. Олардың тек қана 33-і ғана финалдық жекпе-жекке жолдама алса, 22-сі алтын алқа үшін бақ сынасады.
Қайрат Сафин – Халықаралық дәрежедегі “aiba” төрешісі:
– Аталған турнирге еліміздің түкпір-түкпірінен келген спортшылар қатысуда. Дәл қазір, алда Оңтүстік Қазақстан және Жамбыл облыстарының былғары қолғап шеберлері алда келеді. Теріскейлік бокшылардың 3-і ғана финалдық жекпе-жекке өтті.
Дүбірлі бәсекеде әр салмақ дәрежесі бойынша жеңіске жеткен боксшылар грамота, медаль және кубокпен марапатталды.
Тогжан Акмагамбетова