Социалистік Еңбек Ері Хайни-Жамал Мусина атындағы оқу шеберханасы ашылды

Білім

13:00 13 Қараша 2017

Оқу шеберханасында студентердің біліктіліктерін артыру үшін жағдай жасалған. Мұнда ұл-қыздар кірпіш қалау, сылақшылық жұмыстарының қыр-сырын меңгере алады. Ал, қабырғада Хайни-Жамал Мусинаға арналған стенд тұр. Онда жерлесіміздің барлық өмір жолы жазылған. Нәзік жанды жалындаған жастық шағында құрылыс бригадасын басқарыпты. Ол өңірде 8 мектепті, 9 балабақша, 4 мәдниет үйін және 11 әкімшілік нысан мен 42 мың шаршы метр баспананы тұрғызуға ат салысқан.

Хайни-Жамал Мусина – Социалистік Еңбек Ері:

– Мен сол кездегі Петропавл фабрика-зауыттық училищесін аяқтағасын бірден қызметке кірістім. Қыздардан құрылған бригаданы басқарып, көптеген нысандарды тұрғыздық. Күндіз-түні бел жазбай еңбек еткен сәттер болды. Жұмыс қиын. Дегенмен, мойыған жоқпыз. Өзім оқыған жерде менің атымдағы оқу шеберханасының ашылғанына ризамын.

Жиын барысында Хайни-Жамал Мусина жайлы естеліктер айтылды. Үзеңгілес достары Социалистік Еңбек Ерінің қажырлы қызметін баяндап, құрмет көрсетті. Ал, жерлесіміз болса өз кезегінде колледждің 2 курс студенті Анастасия Леоноваға естелік ретінде қалақшаны сыйға тартты.

Анастасия Леонова – Петропавл құрылыс-экономикалық колледжінің студенті:

– Біз Хайни-Жамал Мусинаны үлгі тұтамыз. Ол өңіріміздегі құрылыс саласының дамуына сүбелі үлес қосқан жан. Көптеген ғимараттарды тұрғызды. Өзім осы қалақшаны көзімнің қарашығындай сақтайтын боламын. Болашақша қызметте қолданамын.

Шара соңында жиналғандар естелік суретке түсті.

Култанов Байболат

Бұдан әрі оқыңыз

Колледждерде қабылдау комиссиялары жұмысын бастады
Мониторингілік топ мектептерді тексерді
Жергілікті университеттің мәртебесі өзгерді
Смирново селосында 2 бірдей мектеп жөнделіп жатыр
Озық үлгідегі технология жаңа мүмкіндіктерге жол ашады
Шығармашылық мамандықтарға түсуші талапкерлер емтихан тапсыруда
Биыл өңірде 107 білім беру нысаны жөндеу көреді
ҰБТ-2020
Түлектер дипломдық жұмыстарын қашықтықтан қорғауда
ҰБТ-ға 5 түлек телефонмен кірмек болған
Петропавлда ҰБТ-ның 3-ші кезеңі бастау алды