Сондықтан, 2016 жылы мектепте би үйірмесі ашылғанда, бірден қатысуға ниет білдірген. Бұл бойжеткеннің алғашқы халықаралық фестивалі. Сол себепті қатты қобалжығанын жасырмады.
Ділназ Уатай – “Ритм” би тобының бишісі:
– Біз осы конкурсты көп тостық. Бәріміз өзара достасып кеттік.
Қарашаның 5-і өткен байқауда жас өнерпаздар “Балет хореографиясы” және “Әлем халықтарының биі” номинациялары бойынша өнер көрсетті.
“Өнерлі өрде озар” демекші жас бишілер алдарына қойылған мақсат-міндетті бұлжытпай орындап шықты. Ересектер тобындағы өнерпаздары қарсыластарының алдын орап, 1-ші орын алса, орта құрамның балғындары қанжығасына 2-ші орынды байлады. Жалпы аталмыш би тобының құрамында 60-тан астам бала бар. Ұжым көбіне қазақ ұлттық билерін, классика, хип-хоп жанрына басымдық береді.
Татьяна Шульгина – “Ритм” би тобының жетекшісі:
– Бұл фестивальге біз 3 ай көлемінде дайындалдық. Ересек және орта топтан құралған 17 өнерпаз өнер көрсетті. Халықаралық сайыс болғандықтан, Ресейдің Омбы, Қорған қалаларынан және Қырғызстаннан келген ұжымдар да болды. Жалпы 100-ге жуық бишілер бақтарын сынады.
Бұл фестиваль жас бишілер үшін үлкен тәжірибе болары анық. Қазір олар наурыз айында Алматы қаласында өтетін байқауға дайындалып жатыр.
Молдир Макишева