Анатолий Питов- балықшы:
– Тек жағалауда ғана тұрып балық аулаймын. Әлі қайық үстіне шығып көрген жоқпын. Аздап қорқынышты ғой.
Бұндай рейдтерді теріскейлік құтқарушылар күнделікті жүргізеді екен. Олар балықшылармен сөйлесіп, қауіпсіздік ережелерімен таныстырады.
Еділ Зикрин – СҚО ТЖД жедел-құтқару жасағының құтқарушысы:
– Өткен аптада екі жерлесіміз балық аулаймын деп қаза тапты. Олардың біреуінің мәйіті әлі де табылған жоқ. Сондықтан, осындай оқыс оқиғалардың алдын-алу үшін күнделікті рейдтерді өткізіп тұрамыз.
Балық аулау кезіндегі оқыс оқиғалардың басым бөлігі қайық үстінде орын алып жатады. Кенеттен қозғалып қалғанда, су көлігі аударылып кетуі әдбен мүмкін.
Эльмира Сәдуақасова – тілші:
– Балық аулауды кәсібі мен нәсібіне айналдырған жандарды күннің суықтығы да тоқтатпайды. Олар қыстың қақаған аязында да, жаздың шыжыған ыстығында да өзен-көлдерге келіп, өздерінің сүйікті істерімен айналысады. Алайда, барлығы бірдей тиісті қауіпсіздік ережелерін ұстанбайды екен.
Жалпы, жыл басынан өңірдегі өзен-көлдерде 21 адам көз жұмған. Олардың 3-уі балалар. Тағы 9 адамның қаза табу себептері белгісіз.
Эльмира Сәдуақасова