Ербол Қуанышев – Петропавл қаласы №4 өрт сөндіру бөлімінің бастығы:
– Бүгін біз кезекті рет Оңтүстік Орал теміржолының Петропавл бөлімшесімен бірлесіп, оқу-жаттығу жұмыстарын жүргізіп жатырмыз. Жоспар бойынша жалпы өрттің аумағы 114 шаршы метрді құрайды.
Ал, оқиға орнына 15 минуттан соң өрт сөндіру поезы да келіп жетті. Мамандар тілсіз жауды тізгіндеуге көбікті пайдалануда.
Осылайша, құтқарушылар өртті 30 минуттың ішінде-ақ сөндірді. Жоспар ойдағыдай орындалды.
Михаил Пуртов – “РТЖ” ААҚ Петропавл филиалы темір жол көлігі бөлімшесі өрт сөндіру командасының аға инструкторы:
– Өрт сөндіру поезы қазіргі заман талабына сай түрлі құрал-жабдықтармен жарақталған. Мұнда өте ауқымды көлемде арнайы көбік қоры және кез келген мұнай өнімі құйылып кеткенде оны тартып алатын сорғы бар.
Айта кетсек, апаттық жағдайларды жоюға арналған оқу-жаттығу жұмыстарына 50-ге жуық маман мен 9 бірлік техника жұмылдырылып отыр.
Тоғжан Ақмағамбетова