Петропавлда құқықтық қызмет көрсету орталығы ашылады

МТРА жаңалықтары

14:17 12 Қыркүйек 2017

Махаббат Кәрібайқызы – Құқықтық статистика және арнайы есепке алу жөніндегі комитеті СҚО бойынша басқармасы бастығының орынбасары:

– Кешен қалалық ІІБ ғимаратының 1-қабатында орналасады. Қазіргі таңда мұнда күрделі жөндеу жұмыстары жүргізіліп жатыр. Ол жыл соңына дейін аяқталып, қолданысқа беріледі. Осылайша, ағымдағы жылы құқықтық қызмет көрсету орталығы халық игілігіне ұсынылады. Айта кетсек, осындай мекеме елордамызда маусымның 21-і күні ашылған болатын.

Сондай-ақ, жиын барысында “Электрондық қылмыстық іс” пилоттық жобасы таныстырылды. Мұнда өтініш жазылғаннан бастап үкім шыққанға дейінгі барлық материалдарды электронды түрде сақтауға болады. Осылайша, қанатқақты жоба тергеу жұмыстарының мерзімі мен сапасын арттырып, құжаттардың қауіпсіздігін қамтамасыз етеді.
Өңірімізде тағы қыркүйектің соңында “Электрондық әкімшілік іс” мобильдік қосымшасы жұмысын бастайды.

Айдар Мұқанов – Құқықтық статистика және арнайы есепке алу жөнiндегi комитетi СҚО бойынша басқармасының бөлiм бастығы:

– Әкімшілік заң бұзушылықтарды тіркейтін бірыңғай база арқылы полиция қызметкерлері хаттаманы оқиға орнында толтырады. Сонымен қатар, заң бұзушы сол жерде төлем картасы арқылы айыппұлды төлеуге мүмкіндік алады.

Айта кетсек, тергеуші бір жыл ішінде азаматтарға қылмыстық істі тергеу барысына қатыстыру үшін шамамен 2 млн-ға жуық шақырту жөнелтеді екен. Бұндай қағазбастылықтан арылу мақсатында арнайы құжат енді СМС арқылы жіберілмек.

Тогжан Акмагамбетова

Бұдан әрі оқыңыз

Хабар таратудың жаңа тәсілі
Ресейлік цирк төңірегіндегі дау
Қаржылай қолдау ұйымдарына мониторинг жүргізілді
Оқушыларға компьютерлердің дұрыс таратылуын мониторингілік топ қадағаламақ
Алдағы демалыс күндері Петропавлда су беру уақытша тоқтатылады
Петропавл халқының саны 220 мыңға жақындады
Рұқсат құжатынсыз ет сатуға мүмкіндік берген инспектор жазаланды
Биыл өңірде мемлекеттік қызметкерлерге 301 тәртіптік жаза қолданылған
Президент Солтүстік Қазақстандағы орақ науқанының барысымен танысты
Биыл қала көшелеріндегі 3 мыңнан астам шам ауыстырылады
Облыс әкімі жұмыс сапарымен Ғ.Мүсірепов ауданында болды
Аққайың ауданында кәсіпкерлік саласы дамып келеді