Осы аралықта спортшы облыстық деңгейде ғана емес, республикада да өз өңірінің намысын сәтті қорғап, жүлделі орындарды қанжығасына байлаған. Болашақта жасөспірім әлем чемпионы атануды көздеп отыр.
Аружан Ғалымжанқызы – жарысқа қатысушы, Қызылорда облысы:
– Осы маутинбайктан жарысқа ұзақ уақыт бойы дайындалдық. Жүлделі орындар аламыз деген үміттеміз.
Жарыс жолына алғаш болып ұлдар шықты. Бүгін спортшылар бір шақырымдай қашықтықты құрайтын кіші айналымды бағындырулары қажет.
Светлана Сколозубова – жарыстың бас төрешісі:
– Жарысқа Еліміздің 11 облысынан 80-ге тарта спортшы келді. Қазақстан Республикасының 4-ші жастар спорттық ойындарына 1999 бен 2001 жылдар аралығындағы спортшылар қатысуда. Олардың қатарында маунтинбайктан ел құрамасының мүшелері де бар. Сондықтан, сайыс өте тартысты өтеді деген ойдамын.
Әрбір қатысушы ой-шұңқырға қарамастан, жарыс жолына жылдам жетуге тырысып бағуда. Жалпы бұндай ара қашықтықты 2 минут ішінде жүріп өтуге болады екен. Алайда, спортшылар үшін ауа райы аздап кедергі келтіруде.
Александр Бейкенов – жарысқа қатысушы, Қарағанды облысы:
– Кіші айналымның жолы жақсы. Жарыста ешкім құлап-сүрінбейді деп ойлаймын. Таулы жерде жоғары жылдамдықпен жүріп өткенде, тіпті, қатты желдің өзі байқалмайды. Оған қоса, біз түрлі ауа райында дайындалған едік.
Маунтинбайктан ҚР 4-ші жастар ойынының нәтижесі бойынша жалпыкомандалық есепте теріскейлік команда жеңіс тұғырынан көрінді. Күміс жүлдені Алматы облысының спортшылары иеленсе, 3-ші орынға астаналық маунтинбайкшылар жайғасқан.
Эльмира Садвокасова