Аида Туртаева – “Союз – Автор” шығармашылық бірлестігінің жетекшісі, Петропавл қаласы:
– Дәстүрге айналған халықаралық фестивальге біздің елден бөлек, Татарстан мен Ресейдің өнерпаздары қатысуға өтініш білдіріп тұрады. Аталмыш байқау жыл сайын әр түрлі ұранмен өтеді. Бұл жолғысы “Петропавл – достық қаласы” деп аталады.
Жас орындаушылардың өнерін сонау Мәскеуден келген музыкант Павел Фахртдинов бағалап, тәнті болуда. Сайысқа қатысушылар 5 номинация бойынша сынға түседі. Олар “Орындаушы”, “Автор”, “Дуэт”,”Ансамбль”, “Өлең авторы” деп аталады.
Павел Фахртдинов – қазылар алқасының мүшесі, Мәскеу қаласы:
– Мен негізінен фестивальде бақтарын сынап жатқан өнерпаздарға өзімнің ақыл кеңестерімді беремін. Осылайша,олар өздерін сахнада қалай ұстау керектігін үйреніп, қобалжымай бар білгендерін ортаға салады.
Кеште 80-ге тарта бард- әншілері көбінесе өз шығармаларын орындады.
Кирилл Иванов – байқауға қатысушы, Петропавл қаласы:
– Бүгінгі кешке қатысып жатқаныма өте қуаныштымын. Өзімнің жазған “Песня на выбор” әніме келетін болсам, оны бір күн ішінде шығардым. Туындымда әзіл мен ысқақ бар.”Орындаушы” аталымы бойынша бағымды сынаудамын.
Екатерина Квашнина – байқауға қатысушы, Омбы қаласы:
– Осы байқауға жыл сайын келіп тұрамын. Мұнда әр қашан жаңа достар тауып, тәжірибе алмасамыз.
Халықаралық фестиваль 3 күнге жалғасады. Соңында лауреаттардың қатысуымен гала-концерт ұйымдастырылмақ.
Тогжан Акмагамбетова