Айман Абылгазина – қала тұрғыны:
– Мамандардың қызмет көрсетуіне көңілім толды. Тез арада сынама өткізіп, балдың табиғилығын анықтап берді.
Акция аясында ұлттық сараптама орталығының лаборанттары азаматтарға сараптаманың 4 түрін ұсынды. Мамандар қолда бар аспаптардың көмегімен аздаған уақыттың ішінде тұтынушыларға қызмет көрсетті.
Арайлым Сатымова – “Ұлттық сараптама орталығы” ШЖҚ РМК СҚО бойынша филиалының пестицид токсигология бөлімшесінің маманы:
– Алдымен біз жеміс, көкөністерді жуып аламыз. Оларды үгітіп арнайы ерітіндімен араластырамыз. Кейін мына аспаппен оның нитрат мөлшерін білеміз.
Ұлттық сараптама орталығының мамандары азық-түліктен басқа киім-кешек, ойыншықтарға, топырақ пен суға да сараптама жасайды. Аталмыш орталық Мир көшесі 236 мекен жайында орналасқан.
Берік Қасен