Мерекелік шеруге қатысушылардың бірі – Алтынжан Таупыкова. Ол қобызды мектеп қабырғасында меңгеріпті. Бүгінде жеткіншек ұлттық аспапта 10-нан аса күйді орындай алады.
Алтынжан Таупыкова – Өнер колледжі – музыкалық-эстетикалық бейімдегі дарынды балаларға мамандандырылған мектеп-интернат кешенінің студенті:
– Қобызда ойнау аса қиын емес. Өзім аз уақыттың ішінде үйреніп алдым.
Халықаралық Балаларды қорғау күніне арналған шеруге Өнер колледжінің студенттері 2 айдан бері әзірленуде. Қазір олардың біразы шара кезінде өздері атқаратын міндетті үйреніп алған. Қаз-қатар сап түзеген жастардың алдыңғы шебі би билесе, ортасындағылар үрмелі аспаптарда ойнайды. Ал, соңында
тұрған ұл-қыздар ұлттық аспаптарда өнер көрсетпек.
Ботагөз Тағұдретова – СҚО білім басқармасының бас маманы:
– Шеру колоннасында 100 адам болады. Шараға қаламыздағы 12 білім ордасының жастары қатыспақ.
Маусымның 1-і күні ансамбльдер шеруі Н.Погодин атындағы облыстық орыс драма театрынан бастап Кәрім Сүтішев көшесімен жүріп өтпек. Жалпы, шара Тәуелсіздік стелласы алаңында тұйықталады деп жоспарланған.
Байболат Құлтанов