Соның арқасында бу қуаттылығы сағатына 420 тоннаға дейін артқан. Жоспарлы жаңғырту жұмыстарының арқасында қондырғылардың істен шығуы да азайған. Егер де бұл көрсеткіш 2009-шы жылы 89 пайыз болса, биыл 59-ға жетіп отыр.
Виктор Бармин – “СЕВКАЗЭНЕРГО” АҚ Петропавл 2-ЖЭО директоры:
– Былтыр біз жылу таратуда 1 млрд 100 млн шығынға ұшырадық. Бірақ, электрэнергиясында 6 млрд пайда таптық. Жалпы өткен жылы бізге 5,5 млрд кіріс түсті. Қазір осы қаражатқа 2015-ші жылы бастаған жұмыстарымызды аяқтап жатырмыз.
Айта кету қажет, “СЕВКАЗЭНЕРГО” компаниясы жылу энергиясы үшін соңғы рет тарифті 2016-шы жылдың жазында өсіріпті. Нәтижесінде қызмет құны 1 Гкал үшін 1798 теңгені құрады. Бағаның өсуіне бірден бір себеп, көмірдің қымбаттауы мен оны тасымалдау болып отыр. Мәселен, былтыр қара отынды сатып алу мен жеткізуге 2 млн теңгеден астам қаржы жұмсалған. Ал жоспар бойынша бұл көрсеткіш 1 млн 900 мың теңгеге жуық болу керек еді. Сонымен қатар, Петропавл 2-Жылу Электро Орталығы қызметкерлерінің жалақысы көтерілген.
Кәсіпорын биылғы жылы жарық мен жылу өндірісі көлемін арттыруға бағытталған жаңғырту жұмыстарын жоспарлап отыр.
Виктор Бармин – “СЕВКАЗЭНЕРГО” АҚ Петропавл 2-ЖЭО директоры:
– Осы жылы біз 110 кВ-ттық ашық таратқыш қондырғыны жаңғыртуды аяқтап жатырмыз. Тағы бірқатар негізгі және де қосалқы құрылғылар жөнделуде. Сондай-ақ, біз бұған дейін 6-шы, 7-ші, 8-ші және 12-ші қазандықтарды алмастырсақ, енді 1-ден бастап 5-ге дейінгілерді ауыстырмақпыз.
Бұл жұмыстарға 5 млрд 569 млн теңгеден астам қаржы бағытталмақ.
Риат Шони