Петропавлда аулалардан қар шығару жұмыстары жүргізілуде

Қоғам

15:27 28 Наурыз 2017

Ал биыл мұндай жағдай қайталанбас үшін тұрғындар ауладағы ақ ұлпаны өз күштерімен шығара бастаған. Қыста олар қар тазалайтын техника да жалдапты. Бірақ, жуырда жергілікті әкімдікке барып қолдау көрсетуді сұраған. Көп ұзамай мамандар Бостандық көшесіне екі бірдей машина жіберген. Енді міне, олар таңнан бері ауладағы ақ ұлпаны сыртқа тасып әлек.

Александр Островной – «Бокир» ПИК басқарма мүшесі:

– Біздің үйіміз сәл төмендеу орналасқан. Сондықтан, барлық еріген су біздің аулаға жиылады. Енді биыл мұндай жағдай қайталанбайды деген ойдамын. Өйткені, оның алдын алу үшін ауладағы қарды тазалау үстіндеміз. Тұрғындар да көмекке келді.

Қазір дәл осындай жұмыс шаһарымыздың бірнеше ауласында жүргізілуде.Өйткені, тек Бостандық, Жабаев және Абай көшесінің тұрғындары ғана өз аулаларындағы қарды шығаруға атсалысуға келісім берген. Ал өзге қалалықтар қолдарына күрек алып, ұйымшылдық танытуға асығар емес.

Ирина Яуфман – «Эврика» ПИК төрайымы:

– Бостандық көшесі 22-ші үйдің тұрғындары таңнан бері қар тазалауға шықты. Тіпті, маңайдағы барлық машиналар да алынды. Біз ауладағы ақ ұлпаны техникаға артуға көмектесу үстіндеміз. Бұл өзіміз үшін керек. Ауламыздың тезірек кеуіп, тазарғанын қалаймыз.

Таңның атысымен жұмысқа кетпей тұрып, бұл үйдің 10-нан астам тұрғыны ауладағы қарды тазалауға атсалысқан. Түске дейін ғана мына жерден 15 камаз ақ ұлпа шығарылыпты.

Жалпы қыс басталғалы бері облыс орталығынан 742 мың текше метр ақ ұлпа сыртқа шығарылған. Аталған жұмыс шаһарда әлі де жалғасуда. Ол үшін күн сайын 50 техника мен 130 адам жұмылдырылуда.

Айгерим Ержанова

Бұдан әрі оқыңыз

Мамырдың 23-і қайырымдылық сенбілігі өтеді
Петропавл әуежайының жұмысы қайта жанданды
Балабақшалар келушілерді қайта қабылдайды
Жыл басынан өлкеге 156 отбасы қоныс аударған
ҰОС-ның ардагері 100 жасқа толды
Қаладағы балалар алаңқайларының бірінде ойнау қауіпті
Мемлекеттік қызметкерлер көпбалалы отбасыны құттықтады
Бүгін – қасиетті Қадір түні
Үлкен отбасы балаларына сыйлықтар үлестірілді
Үлгілі отбасы
Облыс орталығындағы ескі зираттар қоқыстан тазартылып жатыр
Масаға қарсы дезинсекциялау жұмыстары жүргізіліп жатыр