Отбасы мүшелерін ажал аузынан аман алып қалған Никита Кукушкин марапатқа ие болды

МТРА жаңалықтары

13:41 2 Наурыз 2017

Замандастарынан оқуда озат болмаса да, өмірлік тәжірибеде Никита Кукушкин алда. Бейбіт күннің батыры бұл ісін ерлікке баламайды. Тек керек кезде шырт ұйқымнан оянып кеттім дейді.

Никита Кукушкин – №44 орта мектеп оқушысы:

– Кешке таман әке-шешем жұмыстан келіп, арақ ішті. Кейін барлығы ұйықтауға кетті. Бірақ, пеш үстінде табада тамақ қалып қойыпты. Мен түнгі сағат бірде дәретханаға баруға оянған едім, үйдің іші көк түтін болды. Бірден әкем мен атамды ояттым. Ешкім тұрған жоқ. Кейін көрші үйде тұратын ағамды көмекке шақырдым. Ол маған бәрібір, өздерің шешіңдер деді. Кейін анамның телефонын алып, жедел жәрдем қызметін шақырдым.

Бүгін ерлік танытып отбасы мүшелерін ажал аузынан аман алып қалған Никита Кукушкинге облыстық ТЖД бастығының атынан орынбасары Нұрлан Атығаев алғыс айтып, марапат табыстады. Сонымен қатар әрдайым байланыста жүрсін деп ұялы телефон сыйлады. Жалпы №44 орта мектепте білім алатын Никита Кукушкин тұрмысы төмен отбасыда тұрады екен.

Салтанат Буксикова – №44 орта мектептің қазақ тілі және әдебиеті пәнінің мұғалімі:

– Никита жақсы бала. Тәртібі жақсы. Бірақ, отбасысы нашар тұрады. Анасы жұмыс істемейді.

Жалпы сол түні тұншықтырғыш газдан уланып қалған Никита Кукушкиннің жақындары бір аптаға жуық ауруханада жатып, тиісті ем-дом шараларын алған. Қазір барлығының да денсаулықтары жақсы екен.

Риат Шони

Бұдан әрі оқыңыз

Өңірде жас мемлекеттік қызметшілердің саны артуда
100 бас мал баптап отырған еңбекқор нәзіжанды
ХҚКО-лар енді жаңа форматта жұмыс істейді
Көне ғимарат қалыпқа келтірілуде
Уәлиханов ауданында “Ашық әкімдік” ашылды
Өңірдегі карантин режимі тағы да жеңілдетілді
7 Мамыр күніне арналған шығарылым
Петропавлда 1 млн теңгелік әлеуметтік көмекті 36 ҰОС ардагері алады
Облыстық әкімдік отырысы өтті
«Абылай хан резиденциясы» мұражай кешенінде жөндеу жұмыстары жүріп жатыр
Жер қатынастары саласындағы қызметтер онлайн көрсетіледі
Қ.Ақсақалов: “Экономикамыздың дамуы жаман емес”