Петропавлда аула клубтары арасында шағын футболдан турнир өтті

Спорт

13:22 30 Қаңтар 2017

Вячеслав Гуменный – “Мяч” жастар қоғамдық ұйымының төрағасы:

– Бұл – биылға аула клубтары арасында шағын футболдан өткізіліп отырған екінші турнир. Негізі жыл сайынғы әрбір маусым барлығы 10 турнирден тұрады. Бүгін 12-18 жас аралығындағы ең үздік деген ойыншылар жиылды. Ереже бойынша командалардың қарсыластары жеребе тастау арқылы анықталады.

Сонымен, алаңда – “Адмирал” және “Қыран” құрамалары. Жас аяқдоп шеберлері турнирдің бірінші минуттарынан-ақ тартысты ойын көрсетуде. «Адмирал» командасының спортшылары қарсылас қақпаны дәл көздеп, қарқынды шабуылдармен екі голды қатарынан соқты. Алайда, бірінші таймның соңында “Қыран”-ның футболшысы бір гол салды.

Келесі таймда «Қыран» командасының ойыншылары таразы басын теңестірді. Қос құрама ойыншылары бір-бірден гол соғып, ойынды тең нәтижемен аяқтады. Есеп: 3 те 3.

Сырым Төлеухан – «Адмирал» командасының капитаны:

–  Қарсыласымыз осал болған жоқ. Ойынның соңына дейін бар күшімізді салдық. Жарыста біздің құрама жеңіске жетеді деген ойдамын.

Жарыс қорытындысы бойынша спортшылар кубок және грамоталармен марапатталмақ.

Айсулу Сергали

Бұдан әрі оқыңыз

Өңірде спорт нысандары жөнделуде
Спортшылар жаттығуды далада өткізуде