“Құлагер” ХК елордалық “Астана” командасынан қос кездесуде де басым түсті

Спорт

12:30 16 Қаңтар 2017

Қуаныш тек 10 минутқа ғана созылды. Қорғаныста жүрген айдын иелерінің өрескел қателігін ұтымды пайдаланған елордалық шабуылшы Данияр Хасенов таблодағы есепті теңестірді.

Осылайша қос команда 15 минуттық үзіліске тең есепте тарқасты.
Ал екенші периодта хоккейшілер қанша тырысқанымен бір-бірінің осал тұсын таба алмады. Жанкүйерлердің өкінішіне қарай ойынның бұл бөлігінде еш қақпаға гол соғылмады. Есесіне, үшінші периодта Иван Иванов пен Максим Волков елордалық қақпашы Сергей Силантьевті қапыда қалдырып, бір-бір шайбадан салды. Осылайша, құлагерліктер 3-1 есебімен жеңіске жетті.

Евгений Пашков – “Құлагер” ХК шабуылшысы:

– Бұл команда жас ойыншылардан жасақталған. Тәжірибелері мен шеберліктері аз. Сол себепті, бапкердің бұл ойынға қойған тапсырмасы – айдынға шығып қажетті ұпайларды қоржынға оңайлықпен салу болды. Қиындықпен болса да, біз міндетті 100 пайызға орындадық.

Кезекті жеңістен кейін жерлестеріміз турнирлік кестеде 71 ұпай жинап, 4-ші орынға көтерілді. Ал құлагерліктердің келесі ойыны қаңтардың 18-і мен 19-ы күндері өтеді. Онда петропавлдық ұжым сырт айдында павлодарлық “Ертіске” қарсы тұрмақ.

Риат Шони

Бұдан әрі оқыңыз

Өңір зілтеміршілері ел чемпионатында топ жарды
Тұңғыш Президент күніне орай гір тасын көтеруден облыстық чемпионат өтпек
Жергілікті хоккейшілер ұпай жоғалтты
«Qulager» ХК турнирлік кестеде 5-орынға көтерілді
“Құлагер” ХК жеңіліс тапты
“Құлагер” ХК рудныйлық “Горняк”-ты тізе бүктірді
Жергілікті “Қызыл-Жар М” ФК ел біріншілігінде топ жарды
Құлагерліктердің қанжығасында тағы бір жеңіс
Жерлес зілтемірші әлем чемпионатында топ жарды
Құлагерлік хоккейшілердің асығы алшысынан түсті
Өңірде 600-ге жуық бала көркем гимнастикамен айналысады
“Құлагер” есе қайтара алмады