Облыстық пәндік олимпиаданың жүлдегерлері марапатталды

МТРА жаңалықтары

14:38 13 Қаңтар 2017

Ақжол Қайырбеков бұл олимпиадаға бірнеше жыл қатарынан физика пәнінен қатысып келеді. Нәтижесі де бар. Биыл ол тиісті 40 баллдың 36-сын жинап бірінші орынға қол жеткізді.

Ақжол Қайырбеков – Әбу Досмұхамбетов атындағы облыстық дарынды балаларға мамандандырылған гимназия-интернатының оқушысы:

– Былтыр дәл осы пәннен 2-ші орын алғанмын. Биыл дайындығым мен білімімнің арқасында жеңімпаз атандым.

Пәндік олипиаданың облыстық кезеңіне 568 оқушы қатысқан. Олардың 225-і жүлделі орынға ие болды. Ең үздік нәтижеге биыл тағы Әбу Досмұхамбетов атындағы облыстық дарынды балаларға мамандандырылған гимназия-интернаты қол жеткізген. Бұл білім ордасынан 53 оқушы алға суырылып жоғары жетістікке жетті. Ал қазақ-түрік лицейінен 37 ұл-қыз марапатқа ие болды. ЛОРД мектебі үздіктер арасында 3-тікті жалғады. Аудандардан есілдіктер жақсы нәтиже көрсеткен. Ал Жамбыл және М.Жұмабаев аудандарының оқушылары бұл олимпиаданың жүлдегерлер тізіміне мүлдем енбеген.

Шарғия Мукушева – «Білім саласындағы әдістемелік жұмыс және ақпараттық технологиялар орталығы» МКМ директоры:

– Жалпы барлық аудандардан қатысты. Дайындықтарының аз болғандығынан ба олар нәтиже көрсете алмады. Кейбіреуі ғана 2-3 орыыннан иеленген.

Жалпы, олимпиада гуманитарлық және жаратылыстану бағытындағы 15 пәннен өтті. Жүлделі 1-ші және 2-ші орынды иеленген оқушылар республикалық кезеңде өңір намысын қорғауға мүмкіншілік алды. Ол көктемде Алматы қаласында өтеді деп жоспарланған.

Айгерим Ержанова

Бұдан әрі оқыңыз

Облыстық әкімдіктің отырысы өтті
Жас Өркен ықшам ауданында шағын орталық жұмысын бастады
Мереке қарсаңында қалалық әкімдікте салтанатты жиын өтті
ҚР Премьер-Министрінің орынбасары қоғам өкілдерімен кездесті
Картамен төлем жасау көрсеткіші артып келеді
Қаланың өнеркәсіп саласының даму қарқыны
Сәнді әрі сапалы ішіктердің жәрмеңкесі өтеді
Көшбасшы партияның өңірлік активінің отырысы өтті
ТЖД мамандары «Darmen» қосымшасын жүктеуге кеңес береді
Жаңа жылға әзірлік барысы
Экспорт жөніндегі кеңестің отырысы
Өңірдің ЕЭО елдерімен алыс-беріс көлемі