Марат Тасмағанбетов – Петропавл қаласының әкімі:
– Қазір Петропавлда 1048 көпқабатты үй бар. Оның ішінде 627 басқару формасы жұмыс атқарады. ПИК Төрағалар Кеңесі де өз міндетін жақсы орындап келеді. Соңғы жылдары мемлекеттік “Тұрғын үй-коммуналдық шаруашылығын жаңғырту бағдарламасы”-на 160 үй қатысқан. Ал, 430 баспанаға жылу есептеу құрылғылары орнатылған.
Ел Тәуелсіздігінің 25 жылдығы қарсаңында облыс орталығының гүлденуіне сүбелі қосқан ПИК-нің төрағалары марапатқа ие болды.
Күшқайрат Құсайыновқа төрағалық міндет осыдан 5 жыл бұрын жүктеліпті. Қазір оның қарамағында Жәлел Қизатов көшесінде орналасқан 4 үй бар. Бүгінде «Таң-Нұры Петропавл» деп аталатын кооператив – облыс орталығындағы ең үлгілі ұйымдардың бірі. Бұл ретте Қүшқайрат аға біраз еңбектенген көрінеді.
Күшқайрат Құсайынов – «Таң-Нұры Петропавл» ПИК төрағасы:
– Тұрғындарда бір мәселе туындаса, бірден маған хабарласады. Кейін мен барып мән-жайды анықтап, көмектесемін.
Айту керек, бұл күні қала әкімі алғыс хатпен 10-нан астам адамды мрапаттады.
Айгерим Ержанова