Кейін олар Алматы қаласына біліктілікті арттыру курстарына жіберілмек. Бұл мақсатқа республикалық “Азаматтық бастамаларды қолдау орталығы” мен ҚР Дін істері және азаматтық қоғам министрлігі 30 млн теңге ақша бөліпті.
Жәнділдә Жақыпов – “Халықаралық құқық қорғау орталығы” ҚБ жетекшісі, Алматы қаласы:
– Жобамыздың басты мақсатының бірі әр өңірде бір заңгер мен бір медиаторды қою. Олар қоғамдағы әлжуаз топтарға және девиантты мінез-құлықты жасөспірімдерге тегін қызмет көрсететін болады.
Виктор Кривошеев Есіл аудандық мүмкіндігі шектеулі жандардың қоғамдық бірлестігіне төрағалық етеді әрі кәсіби медиатор. Ол біздің өңірде дау-дамайды сотқа жеткізбей шешіп, екі жақты татуластыратын білікті мамандарды көбейту қажет дейді.
Виктор Кривошеев – Есіл аудандық мүгедектердің қоғамдық бірлестігінің төрағасы, кәсіби медиатор.
– Мәселен, екі көрші бір-бірімен келіспей қалды делік. Олардың дауын сотқа жеткізбей шешуде білікті мамандар біздің өңірге аса қажет. Қазіргі күні медиаторлар тұрғындардың ұсыныс-тілектерін қарау үшін 30 мың теңгеден бастап ақша сұрайды. Менің ойымша, олар халыққа тегін қызмет көрсетуге тиісті.
Жиында “Халықаралық құқық қорғау орталығы” қоғамдық бірлестігінің өкілдері халықтың талап-тілектерін жауапты органдарға жеткізуге жағдай жасайтындықтарын да айтты. Ұсыныстарды халық қарашаның 30-шы жұлдызына дейін білдіре алады. Ол үшін Кәрім Сүтішев көшесінде орналасқан 17-ші үйдегі, 30-кеңсеге бару қажет. Онда кәсіби заңгер мен медиатор теріскейліктердің мәселелерін тыңдап, тегін кеңес береді.
Култанов Байболат