Петропавлда қазақ күресінен “Жас барыс-2016” облыстық турнирі өтті

Спорт

13:47 31 Қазан 2016

Бауыржан Құлжанов – Облыстық күрес федерациясының құрметті президенті:


– Бұл жарысқа 100-ден аса жас палуан қатысуда. Өңірімізде қазақ күресінің дамығандығы байқалады.

Алғашқы болып боз кілемге 46 салмақ дәрежесіндегі Айыртау ауданының спортшысы Амандық Зейнуллин мен ұлттық спорт мектебінің тәрбиеленушісі Даниил Волков шықты. Бұл белдесу көпке ұзамады. Өз қарсыласының қыр-сырын бірден зерттеп үлгерген Амандық Зейнуллин арыстанша атылған Даниил Волковты жамбасқа салып, қос жауырынын жер иіскетті. Осылайша, жас өрен таза жеңіске қол жеткізді.

Амандық Зейнуллин – жарысқа қатысушы, Айыртау ауданы:


– Қарсыласым мықты болды. Ол өзі алға ұмтыла бергенде әдіс жасап жеңіске жеттім.

Бүгінгі қазақ күресінен ұйымдастырылған “Жас барыс – 2016” облыстық турнирін тамашалауға грек-рим күресінен 80-ші жылғы Мәскеу Олимпиадасының чемпионы, Қазақ КСР еңбек сіңірген жаттықтырушысы Жақсылық Үшкемпіров те келді. Жас өрендердің қарқынын байқаған мейман өңіріміздегі спорттың дамуына жоғары бағасын беріп, мына палуандардан болашақ Олимпиада чемпионы шығуы әбден мүмкін деді.

Жақсылық Үшкемпіров – грек-рим күресінен Мәскеу Олимпиадасының чемпионы, Қазақ КСР еңбек сіңірген жаттықтырушысы:

– Жас палуандармен танысып жатқаныма қуаныштымын. Олардың араларынан Олимпиада чемпиондары шығарына сенімдімін. Оларға сәттілік тілеймін.

“Жас барыс – 2016” облыстық турнирінің қорытындысы бойынша 1999-2000 және 2001-2002 жылғы палуандар арасында ұлттық спорт мектебінің тәрбиеленушілері жалпы құрамалық есепте жеңіске жетті. Енді, әр салмақ бойынша чемпион атанған өрендер өңір намысын қараша айында Қостанай қаласында өз жалауын желбірететін республикалық жарыста қорғайтын болады.

Байболат Құлтанов

Бұдан әрі оқыңыз

«Qyzyljar» ФК жаңа маусымға дайындықты бастады
“Qulager” ХК ағымдағы жылдағы алғашқы ойында жеңіліс тапты
Ел чемпионатында өнер көрсеткен зілтеміршілер Петропавлға оралды
“Qyzyljar М” ФК жаңа маусымға дайындалуда
Хоккейшілеріміз қатарынан жетінші рет жеңілді
«Qyzyljar» ФК-ның биылғы бюджеті 1 млрд 350 млн теңгені құрайды
Жергілікті хокейшілер жеңіліске ұшырады
Петропавлда 120-ға жуық жеткіншек шорт-трекпен айналысады
“Құлагер” ХК тағы да жеңіліс тапты
“Qulager” қарымта кездесуде ұтылып қалды
Солтүстікқазақстандық дзюдошы ел чемпионатының күміс жүлдегері атанды
“Qyzyljar” ФК Украинаның 2 командасына қарсы жолдастық кездесу өткізеді